პარლამენტის საგარეო ურთიერთობათა კომიტეტის თავმჯდომარის მოადგილეები აირჩიეს

პარლამენტის საგარეო ურთიერთობათა კომიტეტზე კომიტეტის თავმჯდომარის მოადგილეები აირჩიეს.

პირველ მოადგილედ კომიტეტმა გიორგი ხელაშვილის კანდიდატურას დაუჭირა მხარი, რომელიც რეგლემენტის თანახმად, კომიტეტის თავმჯდომარე ნიკოლოზ სამხარაძემ წარადგინა. სხდომაზე ასევე აირჩიეს კომიტეტის თავმჯდომარის მოადგილე, ამ პოსტზე კომიტეტმა უმრავლესობის კვოტით წარდგენილ მარიამ ლაშხს დაუჭირა მხარი.

საგარეო ურთიერთობათა კომიტეტის თავმჯდომარის კიდევ ერთი მოადგილის პოსტი, სადაც კანდიდატურის წარდგენის უფლება ოპოზიციას აქვს, ვაკანტურია.

გიორგი ხელაშვილი, ისევე როგორც მარიამ ლაშხი, მეათე მოწვევის პარლამენტში პარტიული სიით არის წარმოდგენილი.

დღევანდელ სხდომაზე კომიტეტმა დებულებაც დაამტკიცა, რომელიც კომიტეტის საქმიანობას, მის წევრთა და კომიტეტის აპარატის ფუნქცია-მოვალეობებს განსაზღვრავს.

იხილეთ ვიდეო:საგარეო ურთიერთობათა კომიტეტის თავმჯდომარის მოადგილეები გიორგი ხელაშვილი და მარიამ ლაშხი იქნებიან

ბაკურ კვაშილავა - 19 აპრილის შეთანხმებიდან მმართველი გუნდის გამოსვლა არ ნიშნავს იმას, რომ იგი არ არსებობს - თუ მათ ხმების 43% ვერ მიიღეს, „ქართულ ოცნებას“ მოუწევს ვადამდელი არჩევნების დანიშვნა
ქართული პრესის მიმოხილვა 02.08.2021
ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ვიქტორ ყიფიანი - მოქმედება თუ უმოქმედობა: ასარჩევი აი ეს არის
ურთიერთთანამშრომლობის მემორანდუმი კავკასიის უნივერსიტეტს და ქეჯის ბიზნესის სკოლას შორის
"თიბისის" აპლიკაციების კონკურსი იწყება
კავკასიის უნივერსიტეტის და ნიუ ჯერსის უნივერსიტეტის ერთობლივი ორმაგი ხარისხის პროგრამა