რუსთავში მოსახლეობის სურსათით დახმარების კამპანია გრძელდება

რუსთავში, პანდემიის პირობებში, მოსახლეობის სურსათით დახმარების კამპანია გრძელდება. როგორც „ინტერპრესნიუსს“ რუსთავის მერიიდან აცნობეს, შეჭირვებული მოქალაქეებისთვის სასურსათო პაკეტების დარიგება, დღეს რუსთავის მერიამ დაიწყო.

მათივე ინფორმაციით, ამ ეტაპზე, მუნიციპალიტეტისგან დახმარებას, რუსთავში რეგისტრირებული სოციალურად დაუცველი მრავალშვილიანი, ასევე მარჩენალდაკარგულ ოჯახები, მარტოხელა დედები, მარტოხელა მოხუცები, პირველი და მეორე ჯგუფის შეზღუდული შესაძლებლობების მქონე პირები, შეზღუდული შესაძლებლობების მქონე ბავშვები და ვეტერანები მიიღებენ.

ქალაქის მასშტაბით, სურსათის გადანაწილების პროცესის მიმდინარეობას, რუსთავის მერის მოადგილეები კახა გურული და ირმა მესხი ადგილზე გაეცნენ.

„მერიის ბიუჯეტიდან შეძენილი იქნა საკვები პროდუქტი, რომელიც განსაკუთრებით მოწყვლად ჯგუფებს გადაეცემა. ამ ეტაპზე დახმარებას მიიღებენ მარტოხელა მოხუცები, რომელთა სარეიტინგო ქულა 65 ათასიდან ზევითაა, მარტოხელა დედები, პირველი და მეორე ჯგუფის შეზღუდული შესაძლებლობის მქონე პირები, შეზღუდული შესაძლებლობის მქონე ბავშვები, მრავალშვილიანი დედები, რომელთაც 4 ან მეტი ბავშვი ჰყავთ, მარჩენალდაკარგული ობოლი ბავშვები, ვეტერანები. ამ ეტაპზე, ჯამში, ვგეგმავთ 8 ათასამდე ოჯახს გადავცეთ საკვები პროდუქტი. ჩვენი ვარაუდით, კვირის განმავლობაში ეს აქცია დასრულდება. მეგობარი ორგანიზაციების, ბიზნესმენების, საზოგადოება ,,რუსთაველების“ დახმარებით, კიდევ ვგეგმავთ მოსახლეობისათვის დახმარების გაწევას“, - განაცხადა ჟურნალისტებთან საუბარში, რუსთავის მერის მოადგილე კახა გურულმა.

რუსთავის მერიის ინფორმაციით, სასურსათო პაკეტებს მოსახლეობამდე, მუნიციპლიტეტის თანამშრომლები, საკრებულოს მაჟორიტარი დეპუტატები და მოხალისეები მიიტანენ. მათივე ცნობით, 8000- მდე უკიდურესად შეჭირვებული მოქალაქე დახმარებას კვირის ბოლომდე მიიღებს.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 26.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
საქართველოს რეგიონალური პოზიციონირება ყარაბაღის კონტექსტის გათვალისწინებით: ცალკეული ასპექტები
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა