ბათუმი - ქობულეთის შემოვლით გზაზე ავტოსაგზაო შემთხვევის შედეგად დაშავებული 7 პაციენტიდან 2 -ის მდგომარეობა მძიმეა, ერთის კი კრიტიკულად მძიმე.
როგორც ბათუმის სამედიცინო ცენტრში აცხადებენ, ერთი მათგანის მდგომარეობა კრიტიკულად მძიმედ ფასდება და მართვით სუნთქვაზე იმყოფება.
რაც შეეხება სხვა დაშავებულებს, ორი კლინიკა "მედინაში", ორი კი რეფერალურ ჰოსპიტალში არის მოთავსებული, მათი მდგომარეობა შედარებით სტაბილურია.
"ჩვენ კლინიკაში 16:20 წუთზე სამი პაციენტი შემოიყვანეს, ორის მდგომარეობა არის მძიმე, ერთის კი კრიტიკულად მძიმედ ფასდება. პაციენტი მართვით სუნთქვაზე არის გადაყვანილი, ორ პაციენტს ძვლების მრავლობითი მოტეხილობა აღენიშნება, ერთი კი საშუალო სიმძიმის მდგომარეობით ფასდება. ჩაუტარდათ კლინიკო - ლაბორატორიული კვლევები, ამჟამად პაციენტების შესაბამისი მკურნალობა მიმდინარეობს. სამივე სრულწლოვანია",- განაცხადეს ბათუმის სამედიცინო ცენტრში.