სენატის უმრავლესობის ლიდერმა „რესპუბლიკელმა“ მიტჩ მაკკონელმა ჯო ბაიდენს გამარჯვება მიულოცა

სენატის უმრავლესობის ლიდერმა და აშშ-ის პრეზიდენტ დონალდ ტრამპის „რესპუბლიკური პარტიის“ ერთ-ერთმა მნიშვნელოვანმა წევრმა მიტჩ მაკკონელმა ჯო ბაიდენსა და კამალა ჰარისს არჩევნებში გამარჯვება მიულოცა.

BBC-ის ინფორმაციით, სენატში სიტყვით გამოსვლისას სენატორმა განაცხადა, რომ მას 3 ნოემბრის არჩევნების სხვა შედეგით დასრულების იმედი ჰქონდა, მაგრამ საარჩევნო კოლეგიამ თავის სიტყვა თქვა.

„ასე რომ, დღეს მე მსურს, არჩეულ პრეზიდენტს, ჯო ბაიდენს, მივულოცო,“- აღნიშნა მაკკონელმა.

მისივე თქმით, „ყველა ამერიკელს შეუძლია, იამაყოს, რომ ქვეყანას პირველად ჰყავს არჩეული ქალი ვიცე-პრეზიდენტი“.

მოგვიანებით ჯო ბაიდენმა განაცხადა, რომ ის მიტჩ მაკკონელს ტელეფონით ესაუბრა და მილოცვისთვის მადლობა გადაუხადა. BBC-ი წერს, რომ სენატთან ურთიერთობა, რომელსაც ამჟამად „რესპუბლიკელები“ აკონტროლებენ, ძალიან მნიშვნელოვანი იქნება ბაიდენისთვის.

ჟურნალისტების კითხვაზე, აღიარა თუ არა დონალდ ტრამპმა ჯო ბაიდენი არჩეულ პრეზიდენტად, თეთრი სახლის პრესსპიკერმა ქეილი მაკინანმა უპასუხა, რომ პრეზიდენტი ჯერ კიდევ არჩევნებთან დაკავშირებულ სასამართლო პროცესებში მონაწილეობს.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით