აშშ-ის ჩრდილო-აღმოსავლეთ ნაწილში დიდთოვლობისა და ქარბუქის გამო მოსახლეობას შინ დარჩენისკენ მოუწოდებენ
აშშ-ის ჩრდილო-აღმოსავლეთ ნაწილში დიდთოვლობისა და ქარბუქის გამო ხელისუფლებამ რეგიონის 50 მილიონამდე მოქალაქეს შინ დარჩენისკენ მოუწოდა, -ამის შესახებ ინფორმაციას Reuters-ი ავრცელებს.
ამინდის ეროვნულ სამსახურში აცხადებენ, რომ ნიუ-იორკის ზოგიერთ ადგილებში თოვლის საფარმა 114 სანტიმეტრს, პენსილვანიაში კი - 102 სანტიმეტრს მიაღწია, რაც დეკემბრისთვის რეკორდული მაჩვენებელია.
ხელისუფლება გზების გაწმენდით სამუშაოებს ახორციელებს, თუმცა უამინდობამ შტატებში ასობით ავტოსაგზაო შემთხვევა გამოიწვია. ოფიციალური სტატისტიკით, ნიუ-იორკის შტატში ავტომობილების შეჯახების 500-ზე მეტი შემთხვევა, ნიუ-ჯერსიში კი - 200-ზე მეტი ფაქტი დაფიქსირდა.
პენსილვანიის შტატში ერთმანეთს ერთდროულად ათობით ავტომობილი შეეჯახა, რასაც ორი ადამიანის სიცოცხლე ემსხვერპლა.
This is a modal window.
v-if="article.gallery" v-html="article.gallery"
