წყალტუბოს მუნიციპალიტეტში პლასტიკისა და ქაღალდის ნარჩენების სეპარირება იწყება

წყალტუბოს მუნიციპალიტეტში საერთაშორისო პროექტის "თანამშრომლობა სუფთა გარემოსთვის" ფარგლებში პლასტიკისა და ქაღალდის ნარჩენების სეპარირება იწყება. ამის შესახებ ინფორმაციას წყალტუბოს მუნიციპალიტეტი ავრცელებს.

მათივე ინფორმაციით, მუნიციპალიტეტის 5 დიდ სოფელში - ქვიტირში, ფარცხანაყანევში, გეგუთში, მაღლაკსა და მუხიანში სპეციალური კონტეინერები განთავსდება, როგორც საზოგადოებრივი თავშეყრის ადგილებში, ისე ამავე სოფლებში მდებარე საჯარო სკოლებსა და ადმინისტრაციულ შენობებთან.

ინფორმაცია წყალტუბოს მუნიციპალიტეტის სოფლებში კონტეინერების დადგმის შესახებ დღეს იმერეთის რეგიონის მედიის წარმომადგენლებს ონლაინ პრესკონფერენციაზე მიაწოდეს.

როგორც აღინიშნა, წყალტუბოს მუნიციპალიტეტში, რომელიც არის საერთაშორისო პროექტის "თანამშრომლობა სუფთა გარემოსთვის’’ წამყვანი პარტნიორი ნარჩენების მართვის სეპარირების დანერგვა და მოსახლეობის გარემოსდაცვითი ცნობიერების ამაღლება არის კიდევ ერთი წინგადადგმული ნაბიჯი ნარჩენების მართვის თანამედროვე მიდგომების დანერგვის მიზნით.

"2014 წლის აღწერის მონაცემების მიხედვით, ფარცხანაყანევში - 5090, მუხიანში - 1058, მაღლაკში - 4126, ქვიტირში- 2314, გეგუთში - 5049, ჯამში კი 17, 637 მოქალაქე ცხოვრობს, რაც მთლიანად წყალტუბოს მუნიციპალიტეტის მოსახლეობის (56 883) 31 პროცენტს შეადგენს, აქედან გამომდინარე პირველ ეტაპზე აღნიშნულ სოფლებში მოსახლეობის ცნობიერების დონის ამაღლება და პლასტიკისა და ქაღალდის სეპარირების დაწყება უმნიშვნელოვანესია.

პლასტიკისა და ქაღალდის ნარჩენების შეგროვება ასევე ორგანიზებული იქნება ქალაქში მდებარე ადმინისტრაციულ შენობებსა და სკოლებში, წყალტუბოს მუნიციპალიტეტის ტურისტულ ადგილებზე, გამოცხადებული ტენდერის შედეგად 60 პლასტიკისა და 50 ქაღალდის კონტეინერისთვის სულ 65700 ლარი დაიხარჯება. კონტეინერები იანვრის ბოლოს უკვე შემოტანილი იქნება.

საერთაშორისო პროექტი "თანამშრომლობა სუფთა გარემოსთვის" ხორციელდება ევროკავშირის 2014-2020 წლების შავი ზღვის პროგრამის მხარდაჭერით. მისი წამყვანი პარტნიორი წყალტუბოს მუნიციპალიტეტია. პარტნიორები არიან სომხეთის, მოლდოვას, რუმინეთის წარმომადგენლები და იმერეთის მხარის მეცნიერთა კავშირი "სპექტრი“" ,- ნათქვამია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს