დავით სერგეენკო - საბედნიეროდ, რევოლუციის გარდაუვალი პირობები საქართველოში არ დგას

რევოლუციის გარდაუვალი პირობები საბედნიეროდ, საქართველოში არ დგას, - ამის შესახებ საქართველოს პარლამენტის ვიცე-სპიკერმა დავით სერგეენკომ განაცხადა, რითაც ოპოზიციაში გაკეთებულ განცხადებებს გამოეხმაურა.

სერგეენკოს განცხადებით, მოლაპარაკებები და საპარლამენტო ტრიბუნა საუკეთესო გზაა ქვეყნის უკეთესი მომავლისთვის.

"მე ვრჩები ჩემ აზრზე, რომ საპარლამენტო ტრიბუნა საუკეთესო საშუალებაა პოზიციის და ოპოზიციის თანამშრომლობისთვის, რომ ქვეყნის უკეთესი მომავალი იყოს. თუმცა, ეს მთლიანად თუ ნაწილობრივ ოპოზიციის გადაწყვეტილებაა, ეს მათი არჩევანია და საბოლოო ჯამში, საზოგადოების გადასაწყვეტია, რა იქნება შემდეგ.

ლეგიტიმურ რევოლუციას რაც შეეხება, მე არ ვარ ამის სპეციალისტი, რაც ადრე მაქვს ნასწავლი - რევოლუციის გარდაუვალი პირობები საბედნიეროდ საქართველოში არ დგას. კიდევ ერთხელ ვამბობ, ვრჩები იმ პოზიციაზე, რომ მოლაპარაკება და საპარლამენტო ტრიბუნა იქნას გამოყენებული ოპოზიციის და პოზიციის პაექრობისთვის ქვეყნის უკეთესი მომავლისთვის, მე მჯერა, რომ ეს არის სწორი გზა", - განაცხადა სერგეენკომ.

ცნობისათვის, "ევროპული საქართველოს" ლიდერმა გიგა ბოკერიამ განაცხადა, რომ ერთადერთი სწორი გზა ვადამდელი, არჩევნებია. კითხვაზე, განიხილავენ თუ არა რევოლუციას, ბოკერია პასუხობს, რომ "არა".

"ვისაც ძალაუფლება აქვს ხალხს ეუბნება, რომ არჩევნებს ვაუქმებ, რჩება 2 სცენარი, ან დიქტატურისკენ სვლის შეგუება ან ლეგიტიმური რევოლუცია, პირველი კატასტროფაა და არც მეორე გვსურს, გვსურს ვადამდელი არჩევნები", - აცხადებს ბოკერია.

ნიკა მელიას განცხადებით კი, "როცა ყველა ინსტიტუტს აუქმებ, ერთი კაცის პარლამენტი გაქვს, სასამართლო აღარ არსებობს, საზოგადოების პროტესტი გადაიზრდება უკმაყოფილებაში და ტრანსფორმირდება მათ შორის, მშვიდობიან რევოლუციაში".

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო