ქუთაისის მაჟორიტარი დეპუტატი პარლამენტში ზაზა ლომინაძე ქუთაისში მცხოვრებ სოციალურად დაუცველ მრავალშვილიან ოჯახს ესტუმრა. დეპუტატმა იოსელიანების ოჯახს, სადაც 7 მცირეწლოვანი ცხოვრობს, ნიკოლოზობა მიულოცა, საკვები პროდუქტები და ტკბილეული გადასცა.
„კორონავირუსის გამო, პანდემიის პირობებში მძიმე სოციალური ფონია, ამიტომ საჭიროა ყველა მოქალაქეს გვერდით დავუდგეთ, რათა შევუმსუბუქოთ ეს მძიმე პერიოდი. მრავალი წელია იოსელიანების ოჯახს ვსტუმრობ, სადაც 7 მცირეწლოვანი იზრდება. ჩვენი გვერდით დგომა, თითოეული მოქალაქისთვის მნიშვნელოვანია",- განაცხადა ზაზა ლომინაძემ. ინფორმაციას მაჟორიტარი დეპუტატის პრესსამსახური ავრცელებს.