ქობულეთში ავტოსაგზაო შემთხვევის შედეგად ერთი ადამიანი დაიღუპა, ორი კი დაშავდა
ქობულეთში ავტოსაგზაო შემთხვევის შედეგად ერთი ადამიანი გარდაიცვალა, ორი კი დაშავდა.
ავტოსაგზაო შემთხვევა, ქობულეთში სოფელ გვარაში მოხდა. ერთმანეთს ორი მსუბუქი ავტომობილი შეეჯახა.
"ინტერპრესნიუსის" ინფორმაციით, დაშავებულთა შორის ერთი ორსულია. დაშავებულების ჯანმრთელობის მდგომარეობა ჯერჯერობით უცნობია.
ადგილზე სამართალდამცავები იმყოფებიან.
ფაქტზე გამოძიება "სისხლის სამართლის კოდექსის" 276-ე მუხლის მეექვსე ნაწილით დაიწყო, რაც სატრანსპორტო მოძრაობისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
იხილეთ ვიდეო:ქობულეთში ავტოსაგზაო შემთხვევის შედეგად ერთი ადამიანი დაიღუპა, ორი კი დაშავდა
