გიორგი ჯახუტაშვილი - პანდემიის მიუხედავად, საქართველოში 30 მლნ აშშ დოლარის ყაზახური საინვესტიციო პროექტები შეუფერხებლად მიმდინარეობს, 70 მლნ-ის კი მზადების პროცესშია

პანდემიის მიუხედავად, ყაზახური კაპიტალის მონაწილეობით საქართველოში შეუფერხებლად მიმდინარეობს 30 მილიონი აშშ დოლარის საინვესტიციო მოცულობის პროექტები, ხოლო 70 მილიონის მომზადების პროცესშია, მათ შორის შოვის ბალნეოლოგიური კურორტი, - ამის შესახებ საქართველოში ყაზახეთის რესპუბლიკის საპატიო კონსული გიორგი ჯახუტაშვილი აცხადებს.

გიორგი ჯახუტაშვილი აღნიშნავს, რომ საქართველოს ხელისუფლების სხვადასხვა სტრუქტურებთან მიმდინარეობს მუშაობა, რათა ხელი შეეწყოს ყაზახური კაპიტალით შექმნილი კომპანიების განვითარებას და ასევე, ახალი საინვესტიციო და სავაჭრო შესაძლებლობის რეალიზაციას.

„მდგომარეობა მძიმეა არა მარტო საქართველოში, არამედ მსოფლიოშიც. მდგომარეობის შემსუბუქებისა და გაუმჯობესებისთვის ზრუნვა თითოეულ ჩვენგანს მართებს. ჩემი, როგორც საქართველოს მოქალაქის სურვილი და მიზანია, ჩემი საქმიანობით წვლილი შევიტანო საქართველოს მოსახლეობის კეთილდღეობაში.

ფაქტია, ქვეყნის ჯანდაცვას, განათლებას, უსაფრთხოებას, რეგიონულ განვითარებასა და დემოგრაფიული პრობლემების დაძლევას უფრო მეტი ფინანსური რესურსი სჭირდება. სამყოფი ფინანსური რესურსი ვერ შეივსება მხოლოდ საერთაშორისო დახმარებებითა და საგარეო ვალებით. ჩვენ ვალდებული ვართ, შევქმნათ მუდმივი შემოსავლების მქონე ეკონომიკა, რასაც მხოლოდ პირდაპირი უცხოური ინვესტიციების შენარჩუნებითა და გაზრდით შევძლებთ. ჩემი, როგორც ყაზახეთის საპატიო კონსულის ერთ-ერთი მთავარი ფუნქციაა, ვიზრუნო საქართველოსა და ყაზახეთის ეკონომიკური ურთიერთობების გაღრმავებაზე, რომლის განუყოფელი ნაწილია ინვესტიციებზე ზრუნვა“, - აცხადებს გიორგი ჯახუტაშვილი.

მისივე განცხადებით, საქართველოში ყაზახური კაპიტალით შექმნილი 30-მდე კომპანია ფუნქციონირებს, ჯამური საინვესტიციო მოცულობა სცდება 450 მილიონ აშშ დოლარს. აღნიშნულ კომპანიებში დასაქმებულია 3 500-ზე მეტი ადამიანი.

„მე უკვე პირდაპირი კომუნიკაცია მაქვს მრავალ მათგანთან და მიუხედავად შექმნილი მდგომარეობისა, ყველა კომპანია აგრძელებს აქტიურ განვითარებას. ამასთან, ყაზახური კაპიტალის მონაწილეობით შეუფერხებლად მიმდინარეობს 30 მილიონი აშშ დოლარის საინვესტიციო პროექტები, ხოლო 70 მილიონის მომზადების პროცესშია, მათ შორის შოვის ბალნეოლოგიური კურორტი.

არსებობს შემაფერხებელი ფაქტორებიც, მაგალითად, გართულებული ავიამიმოსვლის გამო, ინვესტორები თავს იკავებენ მგზავრობაზე, რაც თავისთავად, აფერხებს გადაწყვეტილებების პროცესს. მიმდინარე და სხვა სისტემურ პრობლემებზე აქტიურად ვთანამშრომლობთ საქართველოს მთავრობასთან, ეკონომიკის სამინისტროსთან, სხვა სახელისუფლებო რგოლებთან და ერთობლივად ვცდილობთ, შევქნათ განვითარებისთვის ხელსაყრელი პირობები. აქტიურად განვიხილავთ ყველა შესაძლებლობას, რაც ხელს შეუწყობს ახალი საინვესტიციო და სავაჭრო შესაძლებლობის რეალიზაციას“, - აღნიშნავს გიორგი ჯახუტაშვილი.

(R)

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო