ფოთში საბავშვო ბაღის აღსაზრდელებისთვის საკვები პროდუქტების და საახალწლო საჩუქრების გაცემა დაიწყო

ქალაქ ფოთის მუნიციპალიტეტში საბავშვო ბაღის აღსაზრდელებისთვის საკვები პროდუქტების და საახალწლო საჩუქრების გაცემა დაიწყო. ინფორმაციას ფოთის მერია ავრცელებს.

უწყების ცნობით, საკვები პროდუქტები ფოთის მუნიციპალიტეტის 15 საბავშვო ბაღის 1800 აღსაზრდელს გადაეცემა,რომლის პროცესს ა(ა)იპ „სკოლამდელი სააღმზრდელო გაერთიანება“ უზრუნველყოფს.

„დღეს დავიწყეთ პროდუქტების გაცემა. გადასაცემ პაკეტებში მოთავსებულია სხვადასხვა სახეობის არამალფუჭებადი სასურსათო პროდუქტი. ბაღებში მოწყობილია სპეციალური სივრცეები, სადაც უზრუნველყოფილია სანიტარიულ-ჰიგიენური ნორმები. პროდუქტების გაცემისას დაცულია Covid-19-ის პრევენციისთვის დადგენილი რეგულაციები. პროცესი მშვიდად მიმდინარეობს და მინდა, მადლობა გადავუხადო ბაღების თანამშრომლებს, რომლებმაც პროცესის ორგანიზებისთვის უდიდესი შრომა გაწიეს“, - განაცხადა გოჩა კურდღელიამ.

ფოთის მერიის ინფორმაციით, საბავშვო ბაღებში, პროდუქტების გაცემის პროცესს მონიტორინგი ფოთის მუნიციპალიტეტის მერმა გოჩა კურდღელიამ, საკრებულოს თავმჯდომარე ბექა ვაჭარაძემ, მერის მოადგილეებმა ,ა(ა)იპ სკოლამდელი სააღმზრდელო გაერთიანების დირექტორმა მარინე ზარანდიამ და ქალაქ ფოთის მუნიციპალიტეტის მერიის ადმინისტრაციული სამსახურის უფროსმა ინგა მასხულიამ გაუწიეს.

კორონავირუსის პანდემიის გამო, სააღმზრდელო პროცესი ფოთის მუნიციპალიტეტის საბავშვო ბაღებში შეჩერებულია, კვებისთვის განკუთვნილი თანხით კი აღსაზრდელებისთვის გადასაცემი სასურსათო პროდუქტის შეძენა მოხდა.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო