ხათუნა ლაგაზიძე - საარჩევნო ცვლილებები შეუძლია მიიღოს „ქართული ოცნების“ 90-მა დეპუტატმა, არცერთი ელისაშვილი, არცერთი ენუქიძე, არცერთი ღობეგლეჯიაშვილი დამატებით „ქართულ ოცნებას“ არ სჭირდება

თუ ადამიანი პოლიტიკაში მოდის ამბიციის გარეშე, თავისი კვალი დატოვოს საქართველოს უახლოეს ან ხანგრძლივ ისტორიაში, ის პოლიტიკისა და ხალხისთვის არის საშიში. ამ შემთხვევაში საქმე გვაქვს ადამიანთან, რომელიც პოლიტიკაში მოდის საკუთარი ბიზნეს ინტერესებისთვის,- ასე შეაფასა პოლიტოლოგმა ხათუნა ლაგაზიძემ „პატრიოტთა ალიანსის“ პარტიული სიის მეოთხე ნომრის ავთანდილ ენუქიძის პარლამენტში შესვლის გადაწყვეტილება.

როგორც მან "პალიტრანიუსის" გადაცემაში "დღის ნიუსრუმი" განაცხადა, ასეთი ტიპის ადამიანების დიდი ნაწილი, ქვეყნისა და საზოგადოების ინტერესებს საკუთარ ბიზნეს ინტერესებს ანაცვალებენ. როგორც ლაგაზიძემ აღნიშნა, ადამიანი, რომელიც პოლიტიკაში მოვიდა იმისთვის, რომ საკუთარი ხალხის ხარჯზე ფული ეშოვა, ქუჩაში იდგება თუ პარლამენტში, პოლიტიკოსად ვერ შედგება.

„ეს ადამიანი ქართულ პოლიტიკაში შემოვიდა არა იმიტომ, რომ საკუთარი კვალის დატოვება უნდოდა ამ ქვეყნის ისტორიაში, ან უახლოეს პერიოდში რაიმე ცვლილებების განხორცილება, არამედ საკუთარი კვალის დატოვება უნდოდა საკუთარ ბიზნესში. ეს რადიკალურად განსხვავდება ერთმანეთისგან. ამისი ძალიან მწარე მაგალითები საქართველომ ნახა, როდესაც ბიზნესმენები მოდიან საკუთარი ხალხის გაყიდვის ხარჯზე პოლიტიკაში და არა ხალხისთვის. ესეც არის ასეთი კლასიკური შემთხვევა“, - განაცხადა ლაგაზიძემ.

როგორც ლაგაზიძემ განმარტა, პოლიტიკოსებს, რომლებსაც პარლამენტში შესვლა სურთ, სხვა არგუმენტი არ აქვთ გარდა იმისა, რომ „სადაც ვერ ჭრის ფული იქ ჭრის დიდი ფული“. მისი თქმით, პოლიტიკოსების მიერ იმ განცხადებებით, შენიღბვა, რომ პარლამენტში, ისტორიული საარჩევნო კოდექსის მისაღებად შედიან, უბრალოდ სიყალბეა, რადგან ამ ცვლილების განხორცილებას „ქართული ოცნების“ საკანონმდებლო ორგანოში მყოფი 90 დეპუტატის მხარდაჭერაც ჰყოფნის.

„საარჩევნო სისტემის ფუნდამენტური ცვლილება, რომელიც ამ მოლაპარაკებებზე ნამდვილად განიხილებოდა, შესაძლებელია მოახდინოს „ქართული ოცნების“ 90-მა დეპუტატმა, არცერთი ელისაშვილი, არცერთი ენუქიძე, არცერთი ღობეგლეჯიაშვილი დამატებით „ქართულ ოცნებას“ არ სჭირდება საარჩევნო კოდექსში ისტორიული ცვლილებების შესატანად. ამიტომაც ეს არგუმენტი არის სრული სიყალბე. მეორე ასეთივე მნიშვნელოვანი არგუმენტი არის ის, რომ თუ ჩვენ ვსაუბრობთ პარლამენტის არჩევნების ცვლილებაზე ანუ იმაზე, რომ დაიკლოს ბარიერმა, ამასაც არც ელისაშვილი, არც ენუქიძე და არც ღობეგლეჯიაშვილი არ უშველის იმიტომ, რომ აქ მეორე უკიდურესობასთან გავქვს საქმე, ამ შემთხვევაში საჭიროა კონსტიტუციური უმრავლესობა, რომელიც არ გროვდება თუნდაც 10 ელისაშვილი შევიდეს პარლამენტში. ამიტომ ვერაფრით გაიმართლებს ის თავს - ერთი არგუმენტიც ყალბია, მეორე არგუმენტიც ყალბია“, - განაცხადა ხათუნა ლაგაზიძემ.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან