თორნიკე რიჟვაძე - გლობალური გამოწვევის დაძლევასთან ერთად არ უნდა დაგვავიწყდეს ეკონომიკა, რომელიც  ქვეყნისთვის და აჭარისთვის ნომერ პირველი პრიორიტეტია

აჭარის მთავრობის თავმჯდომარეობის კანდიდატის, თორნიკე რიჟვაძის განცხადებით, რეგიონში პანდემიასთან ბრძოლის პარალელურად ეკონომიკის გაძლიერება უნდა მოხდეს. თორნიკე რიჟვაძე აჭარის უმაღლესი საბჭოს კომიტეტების წევრებს სამომავლო გეგმებს აცნობს და განმარტავს, რომ გუნდი სტაბილური უნდა იყოს.

„გლობალური გამოწვევის დაძლევასთან ერთად არ უნდა დაგვავიწყდეს ეკონომიკა, რომელიც როგორც ქვეყნისთვის, ასევე აჭარისთვის არის ნომერ პირველი პრიორიტეტი. ამიტომ ეკონომიკის აღდგენისა და გაჯანსაღების მიზნითაც გვმართებს ოპერატიულად და ეფექტურად მთელი რიგი ღონისძიებების გატარება. სწორედ ეს პრიორიტებია წარმოდგენილი სამოქმედო გეგმაში, რომელსაც აჭარის მთავრობა დამტკიცების შემთხვევაში განახორციელებს. არჩევნებში მონაწილეობიდან გამომდინარე მთავრობის შემადგენლობა განახლდა და განსაკუთრებით კრიზისის დროს მნიშვნელოვანია, რომ გუნდი იყოს სტაბილური და გააგრძელოს კონკრეტული გეგმის განხორციელება, რომელსაც აქამდე ვაკეთებდით,"- განაცხადა თორნიკე რიჟვაძემ.

აჭარის მთავრობის დასამტკიცებლად აჭარის უმაღლესი საბჭოს 11 ხმაა საჭირო. "ქართული ოცნებას" კი რეგიონის საკანონმდებლო ორგანოში უმრავლესობა აქვს და 21-დან 14 დეპუტატია წარდგენილი. აჭარის უმაღლეს საბჭოში ოპოზიციიდან მხოლო ერთი წარმომადგენელი შევიდა. რესპუბლიკური პარტიის ყოფილი წევრი ირაკლი ჩავლეიშვილი საკანონმდებლო ორგანოში საქმიანობას უკვე შეუდგა.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა