ბოლნისის მუნიციპალიტეტმა საგანმანათლებლო-სარეაბილიტაციო დღის ცენტრის „განთიადის“ 21 ბენეფიციარს საახალწლო ნობათები დაურიგა. ამის შესახებ ინფორმაციას ბოლნისის მუნიციპალიტეტი ავრცელებს.
მათივე ინფორმაციით, ბენეფიციარებს ნობათები ცენტრის ხელმძღვანელმა თამარ გვიდიანმა პირადად გადასცა. საახალწლო ნობათებისთვის მერიამ 1060 ლარი გამოყო.
საგანმანათლებლო-სარეაბილიტაციო დღის ცენტრი „განთიადი“ ქალაქ ბოლნისში 2009 წლიდან ფუნქციონირებს. დღის ცენტრი სპეციალური საჭიროებების მქონე პირებს მათზე მორგებულ სხვადასხვა სერვისს სთავაზობს.