სომხეთის მთავრობის შენობასთან პრემიერ-მინისტრ ნიკოლ ფაშინიანის გადადგომის მოთხოვნით საპროტესტო აქცია იმართება, - ამის შესახებ ინფორმაციას ადგილობრივი მედია ავრცელებს.
მათივე ინფორმაციით, მომიტინგეებმა მთავრობის შენობის ყველა შესასვლელის ბლოკირება განახორციელეს.
ამ წუთებში ნიკოლ ფაშინიანი მთავრობის სხდომას მართავს, მთავრობის გარეთ შეკრებილი მოქალაქეები კი სკანდირებენ : „სირცხვილია!“, „მოღალატე, წადი!“.
მთავრობის შენობასთან დიდი რაოდენობით სამართალდამცავები არიან მობილიზებული.