დავით ზალკალიანი იმედოვნებს, რომ საოკუპაციო ძალების მიერ დაკავებული ზაზა გახელაძე საერთაშორისო პარტნიორების ჩართულობით გათავისუფლდება

საგარეო საქმეთა მინისტრობის კანდიდატი დავით ზალკალიანი იმედოვნებს, რომ საოკუპაციო ძალების მიერ დაკავებული ზაზა გახელაძე ზეწოლით და საერთაშორისო პარტნიორების ჩართულობით გათავისუფლდება.

როგორც ზალკალიანმა ჟურნალისტებს განუცხადა, აღნიშნულ საკითხზე ყველა პარტნიორი ინფორმირებულია და საქართველოს ელჩებს აქვთ დავალება, რომ ეს თემა ყველა მაღალი დონის შეხვედრაზე დააყენონ.

„ეს საკითხი მუდმივად დგას ჟენევის მოლაპარაკებების ფორმატში და არა მხოლოდ ჟენევის მოლაპარაკებების ფორმატში, არამედ ყველა პარტნიორთან. მე გუშინ დავასრულე ელჩების ყოველწლლიური კონფერენცია, ყველა ელჩს ყველა პარტნიორ და არაპარტნიორ ქვეყანაში აქვს ძალიან მკაფიო დავალება, რომ ეს თემა აიწიოს ყველა უმაღლესი დონის შეხვედრაზე. გახსოვთ, როგორი სიტუაცია იყო ექიმ ვაჟა გაფრინდაშვილთან დაკავშირებით. მიუხედავად იმისა, რომ მაშინაც მისჯილი ჰქონდა პატიმრობა, მაინც მოხერხდა მისი გათავისუფლება. მე იმედი მაქვს, ზეწოლით და საერთაშორისო პარტნიორების ჩართულობით ჩვენ მივაღწევთ ამ შედეგს. ძალიან კარგია, რომ ორი დღის წინ კიდევ ერთი ქართველი გათავისუფლდა და მე ძალიან დიდი იმედი მაქვს, რომ ზაზა გახელაძეც საღსალამათი დაუბრუნდება საკუთარ ოჯახს“,- განაცხადა ზალკალიანმა.

ცნობისთვის, 33 წლის ზაზა გახელაძე საოკუპაციო ძალების წარმომადგენლებმა გამყოფ ხაზთან 11 ივლისს უკანონოდ დააკავეს.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 26.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
საქართველოს რეგიონალური პოზიციონირება ყარაბაღის კონტექსტის გათვალისწინებით: ცალკეული ასპექტები
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა