ახალციხეში, რუსთაველის ქუჩაზე მდებარე ხუთსართულიანი შენობის პირველ სართულზე განთავსებულ უმოქმედო რესტორნის სარდაფში აფეთქება მოხდა. დაშავებულია 2 პირი, რომელიც კლინიკაშია გადაყვანილი.
როგორც "ინტერპრესნიუსს" შსს-ს საგანგებო სიტუაციების მართვის სამსახურში განუცხადეს, აფეთქება ბუნებრივი აირის გაჟონვამ გამოიწვია.
უწყების ცნობით, კორპუსი ევაკუირებულია, ხოლო უსაფრთხოების მიზნით 12 ოჯახი სხვა საცხოვრებელშია გადაყვანილი.