აჭარის მთავრობაზე პასუხისმგებლობას არ ვიღებ,- ამის შესახებ აჭარის უმაღლესი საბჭოს დამოუკიდებელმა დეპუტატმა ირაკლი ჩავლეიშვილმა ჟურნალისტებს განუცხადა.

მან აჭარის მთავრობის ახალ შემადგენლობას მხარი არ დაუჭირა და განაცხადა, რომ მთავრობაზე პასუხიმგებლობა უმრავლესობამ უნდა აიღოს.

"მთავრობაზე პასუხისმგებლობას არ ვიღებ, პასუხიმგებლობას იღებს უმრავლესობა. ვნახოთ, როგორ შეასრულებს აჭარის მთავრობა მოვალეობას, ესაა მთავარი გამოწვევა დღეს. მთავრობის ფორმორებაზე არ ვიქნები პასუხიმგებელი. ეს არ ნიშნავს ვიქნები პასიურ მდგომარეობაში, განსხვავებული აზრი უნდა ისმოდეს და ჩემი ხმა აჭარის მოსახლეობას მიწვდება",- აღნიშნა ჩავლეიშვილმა

ცნობისთვის, ირაკლი ჩავლეიშვილი ერთადერთი წარმომადგენელია ოპოზიციური პარტიებიდან, რომელმაც აჭარის უმაღლეს საბჭოში მანდატზე თანხმობა განაცხადა და საკანონმდებლო საქმიანობაში ჩაერთო.