აშშ-ის ტენესის შტატის ქალაქ ნეშვილში ავტომანქანა აფეთქდა, რის შედეგადაც რამდენიმე ადამიანი დაშავდა. ადგილობრივი პოლიციის ცნობით, აფეთქება გამიზნული იყო.
მათივე ცნობით, აფეთქება ქალაქის ცენტრში მოხდა. ადგილობრივი მედია იუწყება, რომ დაშავებულია სამი ადამიანი, რომლებიც საავადმყოფოში გადაიყვანეს.
ქალაქის სახანძრო სამსახური თავის მხრივ, ადგილობრივ მცხოვრებლებს აფრთხილებს, თავი აარიდონ შემთხვევის ადგილზე გადაადგილებას.
აფეთქების შედეგად, შენობების მინები ჩაიმსხვრა.
მომხდარის შესახებ ინფორმირებულია ქვეყნის პრეზიდენტი დონალდ ტრამპი. ამის შესახებ თეთრი სახლის წარმომადგენელმა ჟურნალისტებს განუცხადა.
მისი თქმით, პრეზიდენტი მადლობელია საგანგებო სამსახურის თანამშრომელთა მუშაობის და ლოცულობს დაშავებულთათვის.