ათასწლეულის ინოვაციის კონკურსის 2020 წლის გამარჯვებულები 29 დეკემბერს გამოვლინდებიან

29 დეკემბერს, ათასწლეულის ფონდი აშშ-ის საელჩოს მხარდაჭერით, ათასწლეული ინოვაციის კონკურსის 2020 წლის გამარჯვებულებს გამოავლენს. ამის შესახებ ინფორმაციას ათასწლეულის ფონდი ავრცელებს.

მათივე ცნობით, კონკურსს საქართველოს განათლების, მეცნიერების, კულტურისა და სპორტის სამინისტრო ხელს უწყობს.

„ათასწლეულის ინოვაციის კონკურსში პირველ ადგილზე გასული გუნდი გაემგზავრება აშშ-ში და მონაწილეობას მიიღებს NASA-ს კოსმოსური ცენტრის უნივერსიტეტის სასწავლო პროგრამაში. მეორე ადგილზე გასული გუნდი, საქართველოს ინოვაციებისა და ტექნოლოგიების სააგენტოს (GITA)-ს დაფინანსებით გაემგზავრება აშშ-ში რობოტიქსის და ტექნოლოგიების საზაფხულო ბანაკში. მესამე ადგილზე გასული გუნდი, საქპატენტის მხარდაჭერით მონაწილეობას მიიღებს ისრაელის ტექნოლოგიური უნივერსიტეტის ტექნიონის საზაფხულო ბანაკში.

საპრიზო ადგილზე გასული გუნდების გარდა, ფინალურ ეტაპზე გასულ გუნდებს დაასაჩუქრებენ კონკურსის პარტნიორი ორგანიზაციები: ქუთაისის საერთაშორისო უნივერსიტეტი, სან დიეგოს სახელმწიფო უნივერსიტეტი საქართველოში, აკადემია „ლეტერატო“ და საქართველოს ეროვნული მუზეუმი“, - ნათქვამია ინფორმაციაში.

მათივე ცნობით, ათასწლეულის ინოვაციის კონკურსი 2014 წლიდან ხორციელდება, აშშ-ის საელჩოს ფინანსური მხარდაჭერით და მიზნად ისახავს უფროსკლასელებში ინოვაციებისა და ახალი ტექნოლოგიების შექმნის წახალისებას.

„კონკურსში მონაწილე გუნდები წარმოადგენენ მათ მიერ შექმნილ პროექტებს საბუნებისმეტყველო, საინჟინრო და ტექნოლოგიურ STEM დარგებში, ისეთი მიმართულებებში როგორიცაა: კოსმოსი და ავიაცია; რობოტექნიკა; მობილური ტექნოლოგიები და აპლიკაციები; გარემოს დაცვა; ჯანდაცვა და კვება. კონკურსში დღეისათვის 1,500-ზე მეტ მოსწავლეს აქვს მონაწილეობა მიღებული.

წელს, ათასწლეულის ინოვაციის კონკურსი მეექვსედ ჩატარდა. 2019-20 წლის კონკურსში მონაწილეობა 350-მდე მოსწავლემ მიიღო. კონკურსის პირველ ეტაპზე 88 განაცხადი შემოვიდა, საიდანაც 59% - თბილისიდან, ხოლო 41% - რეგიონის სკოლებიდან. კონკურსის ფინალურ ეტაპზე გადავიდა თერთმეტი გუნდი თბილისის, რუსთავის, თეთრიწყაროს, ახალციხის, სენაკის, სიღნაღისა და საგარეჯოს სკოლებიდან, რომლებმაც დამოუკიდებელი კომისიის წინაშე წარადგინეს საკუთარი დასრულებული პროექტები“, - აღნიშნულია ინფორმაციაში.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს