„საბავშვო კარუსელი“ პრესის ბაზარზე წლის ყველაზე მოთხოვნად და გაყიდვად ყოველთვიურ გამოცემად დასახელდა

პრესის და წიგნების სადისტრიბუციო კომპანია „მერკურის“ ინფორმაციით, ჟურნალი „საბავშვო კარუსელი“ პრესის გავრცელების ბაზარზე წლის ყველაზე მოთხოვნად და გაყიდვად პროდუქტად დასახელდა.

მათივე ინფორმაციით, წლის განმავლობაში „საბავშვო კარუსელის“ ტირაჟი 100 ათასს აჭარბებს.

„2020 წელს საბავშვო კარუსელის ტირაჟის 80%-ზე მეტი გაიყიდა და ამ მაჩვენებლით ყოველთვიურ გამოცემებს შორის პირველ პოზიციაზეა. გასათვალისწინებელია ის ფაქტორიც, რომ პანდემიის დროს გარკვეული სავაჭრო ქსელების მუშაობის შეჩერების გამო (მაგალითად, „ბიბლუსის“), აღნიშნული პროდუქციის დაბრუნების მაჩვენებელი დაახლოებით 5%-ით გაიზარდა, თუმცა ჟურნალზე მოთხოვნა არ შემცირებულა“, - აცხადებენ შპს „მერკურში“.

„საბავშვო კარუსელი“ 72-გვერდიანი ილუსტრირებული გამოცემაა, რომელსაც 100 სტიკერი, სახატავ-გასაფერადებელი ალბომი და მაგნიტური კოლექციის სათამაშოები მოჰყვება.

ჟურნალი დაყოფილია სტანდარტულ და პრემიუმ პაკეტებად. სტანდარტული პაკეტი, რომლის ფასი 5 ლარია, მოიცავს 100 სტიკერს, სახატავ-გასაფერადებელ ალბომსა და მაგნიტურ სათამაშოებს. პრემიუმ პაკეტს კი ჩამოთვლილ საჩუქრებთან ერთად, წიგნი ან სათამაშო ემატება, შესაბამისად, ფასიც განსხვავებულია.

„ჟურნალში პატარა მკითხველები აღმოაჩენენ მაგნიტური სათამაშოების ახალ კოლექციას - „შენი ცირკის არენა“. ყოველი ასეთი კოლექციის გამოშვებისას, თავდაპირველად, მკითხველი საჩუქრად იღებს სათამაშო დაფას, ხოლო დაფაზე განსათავსებელი სათამაშოები მომდევნო ნომრებთან ერთად გროვდება. კოლექცია ყოველთვის უფასოა და ჟურნალის 5-ლარიან პაკეტში შედის“, - განმარტავენ ჟურნალის რედაქციაში.

„საბავშო კარუსელი“ 2003 წლიდან გამოდის და საქართველოში ყველაზე პოპულარული საბავშვო ჟურნალია.

(R)

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა