აჭარის მთავრობის გადაწყვეტილებით, ბიზნესს ნაკისრი ვალდებულებების შესასრულებლად დამატებით 6 თვე მიეცემა

აჭარის მთავრობის გადაწყვეტილებით, კორონავირუსით შექმნილი გარემოების დასაძლევად ბიზნესს ნაკისრი ვალდებულებების შესასრულებლად დამატებით 6 თვე მიეცემა.

როგორც აჭარის მთავრობის თავმჯდომარე, თორნიკე რიჟვაძემ განაცხადა, ეს ერთი მხრივ, ხელს შეუწყობს ბიზნესს არსებული გამოწვევების დაძლევაში, მეორე მხრივ კი დასაქმებულების შენარჩუნებაში დაეხმარება.

„მოქალაქეებთან ერთად მნიშვნელოვანია ბიზნესის ხელშეწყობა და ბუნებრივია, ამ მიმართულებითაც პირველივე ეტაპზე მივიღეთ შესაბამისი გადაწყვეტილებები. ამავე დროს, ვინაიდან პანდემიის ეფექტი და მისი გავლენა გრძელდება, ჩვენ მივიღეთ გადაწყვეტილება, რომ ყველა ინვესტორს, რომელსაც შესაბამისი ვალდებულებები აქვს, აჭარის მთავრობა დამატებით 6 თვეს განუსაზღვრავს საშეღავათო პერიოდს. დამატებით გადაუვადდებათ მათ ვალდებულებები ყოველგვარი სანქცირების გარეშე. მნიშვნელოვანია, რომ ბიზნესი რეგიონში ფუნქციონირებდეს შეუფერხებლად და ბიზნესთან ერთად შევძლოთ როგორც სამუშაო ადგილების აღდგენა, ასევე ახალი სამუშაო ადგილების შექმნა. მნიშვნელოვანია მათი თანამონაწილეობა, ამ პროცესში“, - აღნიშნა რიჟვაძემ.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა