ნამოხვანჰესის აშენების მომხრეებმა აქცია გამართეს.
ადგილობრივები ჰესის მშენებლობის დაწყებას მოითხოვენ. მათი თქმით, პროექტი ერთადერთი შანსია ხეობის გადასარჩენად და არასწორია ინფორმაცია, თითქოს ჰესი საფრთხეებს შეიცავს.
მათი თქმით, დაცლილია სოფლები და თუ სამუშაო ადგილები შეიქმნება, მოსახლეობა ხეობაში დაბრუნდება, ამასთან, განვითარდება ინფრასტრუქტურა და ტურიზმი.
ადგილობრივები ხელისუფლებას ქმედითი ნაბიჯების გადადგმისკენ მოუწოდებენ, მოითხოვენ, დაიწყოს მშენებლობა.
აქციის მონაწილეები ჰესის მოწინააღმდეგეების პროტესტსაც გამოეხმაურნენ და განაცხადეს, რომ ჰესზე უსაფრთხოების ზომები დაცული იქნება და რეგიონის წალეკვის საფრთხე არაა.