მიხეილ სარჯველაძე - ამნისტიის კანონპროექტს დაახლოებით 15-20 მუხლი დაემატება

ადამიანის უფლებების კომიტეტის თავმჯდომარის მიხეილ სარჯველაძის განცხადებით, ამნისტიის კანონპროექტს, დაახლოებით 15-20 მუხლი დაემატება. აღნიშნულის შესახებ მან პლენარულ სხდომაზე განაცხადა, სადაც კანონპროექტს პირველი მოსმენით განიხილავენ.

როგორც მან განმარტა, საქმე ეხება ერთგვაროვან მუხლებს.

„დისკუსიების და საკომიტეტო განხილვების პროცესში გამოითქვა რამდენიმე რეკომენდაცია, პირველი რაც უნდა ავღნიშნო, რომ გაფართოვდება შემადგენლობა მუხლებისა. ორი მიმართულება გვაქვს გათვალისწინებული, იქ სადაც ლოგიკა გვაძლევდა შესაძლებლობას, რომ ახალი მუხლები დამატებულიყო, იქნება დაახლოებით 15-20 მუხლი, რომელიც დაემატება. დაახლოებით ერთგვაროვან მუხლებზეა საუბარი, ეს არ იქნება თვისობრივად განახლებული და იმ პრინციპებთან არათავსებადი რაზეც ვისაუბრეთ, მაგალითად, ყაჩაღობაზე არ გვაქვს დაგეგმილი რომ შევიტანოთ. თუმცა, ზოგიერთი მუხლის შემთხვევაში, რომელზეც გათვალისწინებული გვქონდა პირველ ნაწილისგან პასუხისმგებლობის გათავისუფლება, შეიძლება წავიდეთ წინ და მეორე - მესამე ნაწილი გვქონდეს გათვალისწინებული ,თუმცა, ესეც ვერ იქნება უპირობო, აუცილებელი იქნება გარკვეული წინდახედულობა და ისეთი დამამძიმებელი გარემოებები, როგორიც იქნება მაგალითად ორგანიზებული ჯგუფი, რაც მწვავე პრობლემაა სამართალდამცავი ორგანოებისთვის, ამაზე გავრცელება არ იგეგმება, თუმცა, ოდენობით როცა მძიმდება ცალკეული დანაშაულები, იქ შეგვიძლია თავს უფლება მივცეთ , რომ მსგავსი გადაწყვეტილებები მივიღოთ. ამ კუთხით მუშაობა კვლავაც გაგრძელდება და ძალიან დიდი იმედი მაქვს, რომ სწრაფადვე ოპტიმალური ვარიანტის მიღწევას შევძლებთ, მე მესმის საზოგადოებაშიც მოლოდინებია, არის ნაწილი, რომელიც ბევრად უფრო გაფართოებას ითხოვს, არის ნაწილი, ვინც ამას მხარს არ უჭერს და აქ დაბალანსებული და სწორი მიდგომების განვითარება იქნება კრიტიკულად მნიშვნელოვანი,“- განაცხადა სარჯველაძემ.

მისივე თქმით, ისეთ შემთხვევებში, როცა ამნისტიის წინაპირობა არის დაზარალებულის თანხმობა ან ზიანის ანაზღაურება, ამ პირობების დაკმაყოფილებისთვის 6 თვიანი პერიოდი იქნება განსაზღვრული.

„არის ინიციატივა და მე პირადად ამას ვეთანხმები, რომ 6 თვიანი პერიოდი იყოს გამოყენებული, რომლის განმავლობაშიც პირს ექნება შესაძლებლობა, რომ მოიპოვოს თანხმობა თუ ის წინაპირობები დააკმაყოფილოს, რა შემთხვევაშიც ეკუთვნის ამნისტიის გავრცელება,“- აცხადებს სარჯველაძე.

მან ასევე ისაუბრა 2012 წლამდე პირებისთვის დაკისრებულ სისხლის სამართლის ჯარიმებზე და აღნიშნა, რომ გათვალისწინებულია 2012 წლის პირველ ოქტომბრამდე სასამართლოსგან დაკისრებული სისხლის სამართლის ჯარიმებისგან პირთა გათავისუფლება, „იმის გათვალისწინებით, რომ არანორმალურად მკაცრი იყო 2012 წლის 1-ელ ოქტომბრამდე სისხლის სამართლის პოლიტიკა და იქ გამოყენებული სასჯელები ვერანაირ კრიტიკას ვერ უძლებდა“.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 29.07.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან