ქუთაისის მერმა ორ ქუთაისელ მოსწავლეს საახალწლოდ საჩუქრად ლეპტოპები გადასცა

ქუთაისის მერმა იოსებ ხახალეიშვილმა ორ ქუთაისელ მოსწავლეს საახალწლოდ ლეპტოპები გადასცა საჩუქრად. ინფორმაციას ქუთაისის მერია ავრცელებს.

მათი ცნობით, ბავშვები სოციალურად დაუცველი ოჯახებიდან არიან და წარჩინებულად სწავლობენ.

„2020 წელს ჩვენი ბავშვებიც განსაკუთრებული გამოწვევების წინაშე აღმოჩნდნენ - მათ სწავლის გაგრძელება უჩვეულო გარემოში მოუხდათ, პანდემიით გამოწვეული რეგულაციების გამო. დისტანციურ სწავლებას ზოგჯერ ახლდა გარკვეული ტექნიკური სირთულეები, რომელთა დაძლევაში ჩვენ, შეძლებისდაგვარად, ვეხმარებით ჩვენს მოქალაქეებს. დღეს ორ პატარა ქუთაისელს საჩუქრად გადავეცით ლეპტოპები, რათა მათ დაუბრკოლებლად შეძლონ ონლაინ გაკვეთილებში ჩართვა.

წარმატებული და სიხარულით სავსე იყოს ყველა ბავშვისთვის 2021 წელი!“, - განაცხადა იოსებ ხახალეიშვილმა.

როგორც უწყებაში აცხადებენ, ქუთაისის 2021 წლის ბიუჯეტში ჩადებულია ახალი ქვეპროგრამა , რომლის თანახმადაც, 40 000 ლარი გამოიყოფა ონლაინ სწავლების უზრუნველსაყოფად, იმ სოციალურად დაუცველი ოჯახების ბავშვებისთვის, რომლებთაც არა აქვთ ინტერნეტთან შეუზღუდავი წვდომა.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის