აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძემ ბათუმის რესპუბლიკური კლინიკური საავადმყოფოსა და მაღალტექნოლოგიური ჰოსპიტალის - „მედცენტრის“ თანამშრომლებს კოვიდინფექციასთან ბრძოლაში თავდაუზოგავი შრომისათვის მადლობა გადაუხადა, დამდეგი დღესასწაულები მიულოცა და შემდგომი წარმატებები უსურვა. ინფორმაციას აჭარის ავტონომიური რესპუბლიკის უმაღლესი საბჭოს პრესსამსახური ავრცელებს.

უწყების ცნობით, საკანონმდებლო ორგანოს თავმჯდომარემ და ჯანმრთელობისა და სოციალური დაცვის საკითხთა კომიტეტის თავმჯდომარემ - ილია ვერძაძემ კოვიდკლინიკებს „მადლობის სიგელები“ გადასცეს და იმედი გამოთქვეს, რომ დამდეგი 2021 წელი გადამწყვეტი იქნება კორონავირუსთან ბრძოლაში.