ბათუმის რესპუბლიკურ საავადმყოფოში კორონავირუსით ინფიცირებული 73 პაციენტიდან 24 რეანიმაციულ განყოფილებაში მკურნალობს
როგორც კლინიკის მენეჯერი გია კიკაბიძე აცხადებს, 3 პაციენტის ჯანმრთელობის მდგომარეობა კრიტიკულად ფასდება, ისინიმძიმე მდგომარეობაში არიან.
გია კიკაბიძის ინფორმაციით, გასული 24 საათის განმავლობაში კორონავირუსის შედეგად კლინიკაში 2 ადამიანი გარდაიცვალა.
"გასული 24 საათის განმავლობაში, აჭარაში 124 პაციენტი გამოჯანმრთელდა. ახალი შემთხვევა 37 გვაქვს, კლინიკიდან გამოჯანმრთელებული 13 პაციენტი გაეწერა. ბათუმის რესპუბლიკურ საავადმყოფოში 73 კოვიდინფიცირებულია მოთავსებული, აქედან 24 რეანიმაციულ განყოფილებაშია, სამი პაციენტი კრიტიკულად ფასდება და მართვით სუნთქვაზე იმყოფებიან.
დღე-ღამეში რესპუბლიკურ საავადმყოფოში ორი გარდაცვალება დაფიქსირდა, 60 და 79 წლის მამაკაცები, ისინი მძიმე მდგომარეობაში რეანიმაციულ განყოფილებაში იმყოფებოდნენ.
კლინიკებში ავადმყოფების რაოდენობა შემცირებულია", - განაცხადა კიკაბიძემ.
იხილეთ ვიდეო:აჭარაში ბოლო 24 საათში კორონავირუსისგან 124 პაციენტი გამოჯანმრთელდა
This is a modal window.
v-if="article.gallery" v-html="article.gallery"
