გაერთიანებული სამეფოს პრემიერ-მინისტრ, ბორის ჯონსონის თქმით, კორონავირუსის შემთხვევების ზრდის შეჩერების მიზნითქვეყანაში ახალი რეგულაციები დაწესდება.

Reuters-ის ინფორმაციით, მას შემდეგ, რაც სამეფოში კორონავირუსის ახალი სახეობა აღმოაჩინეს, დაინფიცირებულ პაციენტთა რიცხვი მნიშვნელოვნად გაიზარდა. ამის გამო ლონდონში დაწყებითი სკოლების გახსნა კიდევ გადაიდო.

გაერთიანებულ სამეფოში რეგულაციების სიმკაცრე დამოკიდებულია იმაზე, თუ რამდენად რთულია ეპიდსიტუაცია ცალკეულ რეგიონში.

ბორის ჯონსონმა აღნიშნა, რომ ახალი რეგულაციების დაწესების შესახებ ინფორმაცია უახლოეს დღეებში გავრცელდება.

ბოლო მონაცემებით, გაერთიანებულ სამეფოში კორონავირუსის 2 599 000-ზე მეტი შემთხვევა ფიქსირდება, ვირუსს 74 570 ადამიანი ემსხვერპლა.