"მონები", „ძირს ხელისუფლება", - ამ შეძახილებით “თავისუფლების მარში" კახეთში აქციებს მართავს. ისინი თავდაპირველად საგარეჯოში იმყოფებოდნენ, საიდანაც გურჯაანში და ყვარელში გადაინაცვლეს. მათი ძირითადი მოთხოვნაა, რვა მარტის შეთანხმების შესრულება, პოლიტპატიმრების გათავისუფლება და ხელახალი საპარლამენტო არჩევნები. მოძრაობის წევრებმა ტრანსფარანტებით, შეძახილებით ცენტრალური ქუჩებში მსვლელობა გამართეს.

"ჩვენ დავიწყეთ კახეთით, მოვივლით დღეს რეგიონს. არ მივცემთ ხელისუფლებას მოსვენების საშუალებას. ვითხოვთ 8 მარტის შეთანხმება შესრულდეს. ისინი კი არ უშვებენ პოლიტპატიმრებს, მათ სიას უფრო ზრდიან. ამიტომ პროტესტი გრძელდება. აუცილებლად იქნება შედეგი- ვადამდელი საპარლამენტო არჩევნები“, - აცხადებენ მოძრაობის წევრები.

„თავისუფლების მარში“ დღის ბოლოს შემაჯამებელ აქციას თელავში გამართავს.