ოპოზიცია უკვე წარმოდგენილია პარლამენტში, - ასე მიმართა საკანონმდებლო ორგანოს წევრებს პარლამენტის თავმჯდომარემ არჩილ თალაკვაძემ „პატრიოტთა ალიანსის“ პარტიული სიის სამი წევრის: დავით ზილფიმიანის, ფრიდონ ინჯიასა და გელა მიქაძის სადეპუტატო უფლებამოსილების ცნობის შემდეგ.
არჩილ თალაკვაძემ ოპოზიციონერი დეპუტატები კენჭისყრის შემდეგ სასესიო დარბაზში მიიწვია და აღნიშნა, რომ მათ უკვე აქვთ უფლება საპარლამენტო საქმიანობაში მონაწილეობა მიიღონ.
„ოპოზიცია უკვე წარმოდგენილია პარლამენტში და ისინი მონაწილეობას მიიღებენ ამ მომენტიდან საპარლამენტო საქმიანობაში“, - განაცხადა თალაკვაძემ.
ცნობისთვის, „პატრიოტთა ალიანსის” სამი წევრის - ფრიდონ ინჯიას, დავით ზილფიმიანის და გელა მიქაძის უფლებამოსილების საკითხზე პარლამენტმა რიგგარეშე სესიაზე იმსჯელა და მხარი ერთხმად დაუჭირა.
დეპუტატებმა საკანონმდებლო ორგანოში ირმა ინაშვილი, გიორგი ლომია და გოჩა თევდორაძე ჩაანაცვლეს.
ამასთან, „პატრიოტთა ალიანსის“ სიით, მანდატზე უარის თქმას არ აპირებს ასევე ავთანდილ ენუქიძე.