მიხეილ სარჯველაძის განცხადებით, „ამნისტიის შესახებ" კანონპროექტის მოქმედება, შესაძლოა, გავრცელდეს იმ პატიმრებზეც, რომლებმაც პატიმრობის პერიოდში სტუდენტის სტატუსი მოიპოვეს

ადამიანის უფლებათა დაცვის კომიტეტის თავმჯდომარის, მიხეილ სარჯველაძის განცხადებით, „ამნისტიის შესახებ" კანონპროექტის მოქმედება, შესაძლოა, გავრცელდეს იმ პატიმრებზეც, რომლებმაც პატიმრობის პერიოდში სტუდენტის სტატუსი მოიპოვეს. ასეთ შემთხვევაში, როგორც სარჯველაძემ აღნიშნა, მათი თავისუფლების აღკვეთის სასჯელის ფორმა შინაპატიმრობით შეიცვლება.

როგორც სარჯველაძემ რიგგარეშე პლენარულ სესიაზე, კანონპროექტის მეორე მოსმენით განხილვისას აღნიშნა, კანონის ამ ნორმით სარგებლობა მხოლოდ იმ მსჯავრდებულებს შეეძლებათ, რომლებმაც სტუდენტის სტატუსის კანონის მიღებამდე მიიღეს და ეს მომავალში სტუდენტის სტატუსის მიღების შემთხვევაში, მათ სასჯელის ფორმს არ შეუცვლის.

„გაჩნდა შესაძლებლობა, რომ გარკვეული დაშვებით, პირობებით გავრცელდეს ამნისტია და შინაპატიმრობით მოხდეს სასჯელის შეცვლა ცალკეული კატეგორიის მსჯავრდებულებისთვის. ამ შემთხვევაში, იგულისხმება არასრულწლოვანთა მშობელი ქალების სასჯელის შეცვლა თავისუფლების აღკვეთის შინაპატიმრობით, მოუხდელი ნაწილის. ასევე, სტუდენტებზე, რომლებმაც სტატუსი მოიპოვეს პატიმრობის პერიოდში, შესაბამისად, ამით საკუთარი განწყობა რესოციალიზაციის მიმართულებით დაადასტურეს, შეიძლება ეს შეღვათი რომ გავრცელდეს. ბუნებრივია, ამით მათ მეტი და უკეთესი შესაძლებლობა მიეცემათ რესოციალიზაციისთვის. აქ ასევე გასათვალისწინებელია, რომ ეს ეხება არა მომავალში ვინც სტუდენტის სტატუსს მოიპოვებს, არამედ კანონის მიღების მომენტში. ეს ვერ შეეხება ბუნებრივია ყველა იმ ადამიანს, ვინც სტუდენტი გახდება მომავალში, ეს არის კანონის მიღების მომენტისთვის, ვისაც აქვს ასეთი სტატუსი მოპოვებული. მომავალში თუკი იქნება, ეს შეიძლება დადებითად ახასიათებდეს პიროვნებას, თუ ის სწავლას მოკიდებს ხელს, თუმცა ამნისტია ვერ იტყვის იმას, რომ ვინც სტუდენტი გახდება, მას ეს შეღავათი ექნება", - განაცხადა მიხეილ სარჯველაძემ.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით