მსოფლიო ბანკი - 2021 წელს გლობალური ეკონომიკა სავარაუდოდ, 4%-ით გაიზრდება

მსოფლიო ბანკის პროგნოზით, 2021 წელს გლობალური ეკონომიკა სავარაუდოდ,4 %-ით გაიზრდება, თუკი კოვიდ 19-ის საწინააღმდეგო ვაქცინაცია მთელი წლის განმავლობაში გაგრძელდება.

მსოფლიო ბანკის „2021 წლის გლობალური ეკონომიკური პერსპექტივებში“ აღნიშნულია, რომ ეკონომიკური გაჯანსაღების პროცესი შეფერხდება, თუ პოლიტიკოსები პანდემიის შესუსტებისა და ინვესტიციების გაზრდის კუთხით გადამწვეტ ნაბიჯებს არ გადადგამენ.

„პანდემიის ზეგავლენის დასაძლევად და ინვესტიციების კუთხით წარმოქმნილი სირთულეების დასაძლევად, საჭიროა მნიშვნელოვანი ქმედება ბიზნესის გარემოს გასაუმჯობესებლად და შრომისა და პროდუქტების ბაზრის მოქნილობის გასაზრდელად,“ - აცხადებს მსოფლიო ბანკის ჯგუფის პრეზიდენტი დევიდ მალპასი.

მსოფლიო ბანკის ანგარიშში ასევე აღნიშნულია, რომ ეკონომიკური აღორძინების ხელშესაწყობად, ხელისუფლებებმა ხელი უნდა შეუწყონ რეინვესტიციების ციკლს, რომელიც მიზნად ისახავს მდგრად ეკონომიკურ ზრდას.

„პანდემიამ სიკვდილიანობისა და დაავადების მაღალი მაჩვენებელი გამოიწვია. მილიონობით ადამიანი სიღარიბეში ჩააგდო და ეკონომიკური აქტივობა და შემოსავლები, შესაძლოა, ხანგრძლივი პერიოდის განმავლობაში შეამციროს. მოკლევადიანი პოლიტიკის მთავარი პრიორიტეტებია კოვიდ 19- ის გავრცელების კონტროლი და ვაქცინების სწრაფი და ფართოდ გავრცელების უზრუნველყოფა. ეკონომიკური გაჯანსაღების უზრუნველყოფის მიზნით ხელისუფლებებმა ხელი უნდა შეუწყონ რეინვესტირების ციკლს, რომელიც მიზნად ისახავს მდგრად ზრდას, რაც ნაკლებად არის დამოკიდებული სახელმწიფო ვალზე,“ -აღნიშნულია მსოფლიო ბანკის ანგარიშში.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო