ფოთის საკათედრო ტაძარში შობის სადღესასწაულო მსახურება ყველა რეგულაციის დაცვით ჩატარდება. საშობაო წირვას ფოთისა და ხობის მიტროპოლიტი მეუფე გრიგოლი აღავლენს. დეკანოზ კონსტანტინე ბურჯანაძის თქმით, სადღესასწაულო ლიტურგიას მრევლი პირბადის გამოყენებით დაესწრება და დისტანციას დაიცავს.

„საღამოს მსახურება შესრულდება დღეს 17:00 საათზე, სადღესასწაულო მსახურება კი შესრულდება 23:00 საათზე, ასევე ხვალ 09:00 საათზე. მრევლი დადგება, როგორც ყოველთვის დგას, დისტანციურად, ამ წესს ვიცავთ და დავიცავთ . პირბადეს გაიკეთებენ. მინდა მოგილოცოთ ქრისტესშობის დღესასწაული და უფლის ანგელოზებმა კაცობრიობას მიულოცა , დიდება მაღალთაშინა ღმერთსა, ქვეყანასა ზედა მშვიდობა და კაცთა შორის სათნოება. მივულოცავთ ჩვენს ქვეყანას და მივულოცავთ ყოველ ადამიანს . უფალმა გაგახაროთ“, - განაცხადა ფოთის საკათედრო ტაძრის დეკანოზმა კონსტანტინე ბურჯანაძემ.