აშშ-ის ვიცე-პრეზიდენტის მაიკ პენსის განცხადებით, კონგრესის სპეციალურ სხდომაზე მისი როლი მას უფლებას არ აძლევს 2020 წლის საპრეზიდენტო არჩევნები და ჯო ბაიდენის გამარჯვება ცალმხრივად შეცვალოს.

მანამდე, აშშ-ის მოქმედმა პრეზიდენტმა დონალდ ტრამპმა მაიკ პენსს მოუწოდა, საარჩევნო კოლეგიის წევრთა ხმები არ დაემტკიცებინა და ხმები, უკან შტატებისთვის დაებრუნებინა. თუმცა მაიკ პენსმა საკუთარ განცხადებაში აღნიშნა, რომ ამის გაკეთების უფლებას მას ამერიკის კონსტიტუცია არ აძლევს.

„პრეზიდენტის ინსტიტუტი ეკუთვნის ამერიკელ ხალხს და მხოლოდ მას“, - განაცხადა პენსმა.