ცაგერის მუნიციპალიტეტის სოფელ ტვიშში გვიან ღამით საცხოვრებელი სახლი და დამხმარე ნაგებობები დაიწვა, - ამის შესახებ ინფორმაციას რაჭა-ლეჩხუმ- სვანეთის მაჟორიტარი დეპუტატის სამდივნო ავრცელებს.

მათივე ცნობით, დეპუტატი გოჩა ენუქიძე მუნიციპალიტეტის ხელმძღვანელ პირებთან ერთად, დაზარალებული ტარიელ ბანძელაძის ოჯახში იმყოფებოდა.

"უმძიმესი ფაქტია ბანძელაძეების ოჯახისთვის, ამიტომ ყველაფერს გავაკეთებთ, ჩემი, როგორც მაჟორიტარი დეპუტატის და ადგილობრივი ხელისუფლების კომპეტენციის ფარგლებში აღმოვუჩინოთ დახმარება, ამ უდიდესი მატერიალური ზიანის საკომპენსაციოდ”, - განაცხადა გოჩა ენუქიძემ.