აზერბაიჯანში ბოლო 24 საათის განმავლობაში კოვიდ 19-ის 633 ახალი შემთხვევა გამოვლინდა და 22 პაციენტი გარდაიცვალა, - ამის შესახებ ინფორმაციას აზერბაიჯანული მედია ქვეყნის ოპერატიულ შტაბზე დაყრდნობით ავრცელებს.

ამასთან, ქვეყანაში გასული დღე-ღამის განმავლობაში ვირუსისგან 1 682 ადამიანი გამოჯანმრთელდა.

აზერბაიჯანში, პანდემიის დაწყებიდან დღემდე, კორონავირუსის 224 050 შემთხვევაა გამოვლენილი, მათ შორის ვირუსს 2 890 ადამიანის სიცოცხლე ემსხვერპლა, გამოჯანმრთელებულთა რაოდენობა კი 207 088-ს შეადგენს.