თამარ გაბუნია - მიმდინარე კვირაში კორონავირუსზე ტესტირება კიდევ უფრო ინტენსიურად ჩატარდება

ჯანდაცვის მინისტრის მოადგილის, თამარ გაბუნიას განცხადებით, მიმდინარე კვირაში კორონავირუსზე ტესტირება კიდევ უფრო ინტენსიურად ჩატარდება. როგორც გაბუნიამ მთავრობის ადმინისტრაციაში უწყებათაშორისო საკოორდინაციო საბჭოს სხდომის დასრულების შემდეგ განაცხადა, კორონავირუსის შემთხვევების რაოდენობა სტაბილიზაციაზე მიუთითებს.

„დღევანდელი მდგომარეობით შემთხვევების რაოდენობა შედარებით დაბალი იყო, 500-ზე ოდნავ მეტი, რაც მოგეხსენებათ, შაბათ-კვირის ეფექტია. შაბათ-კვირას ტესტირება ნაკლები ტარდება, დაახლოებით, 8 ათასი ტესტი შესრულდა, აქედან გამომდინარეობს ის, რომ შემთხვევების რაოდენობა შედარებით დაბალია. უფრო უნდა ვენდოთ იმ მაჩვენებელს, რომელიც იყო გასული კვირის განმავლობაში 1500- დან 2000-მდე ინფიცირების ფარგლებში. ეს მაჩვენებელი მაინც საყურადღებოა ჩვენი ტიპის და ზომის ქვეყნისთვის. რაც შეეხება ჰოსპიტალურ სექტორს, ამ დროისთვის სექტორში არის 3939 კოვიდდადასტურებული პაციენტი, 164 იმყოფება ტრიაჟის პროცესში. მათ შორის, 842 პაციენტი არის ინტენსიური თერაპიის განყოფილებაში. როგორც ხედავთ, ეს მაჩვენებელი სტაბილურად მცირდება, რაც ასევე მიუთითებს რეალურად შემთხვევების კლებაზე. 250 პაციენტი იმყოფება რეანიმაციაში. ეს მაჩვენებელიც ბოლო ერთი კვირის განმავლობაში სტაბილურად შემცირდა. თავისუფალი ამ დროისთვის არის 2905 საწოლი. ეს საწოლები ნარჩუნდება მობილიზაციის მდგომარეობაში, ვიდრე ჩვენ არ გვექნება გარანტია იმისა, რომ შემთხვევების კლება სტაბილურია და არის იმგვარი, რომ აღარ გამოიწვიოს ჰოსპიტალური სექტორის თავიდან გადატვირთვა. რაც შეეხება კლინიკურ სასტუმროებს, აქ არის 722 პაციენტი, რომელიც იტარებს მკურნალობას მათი მდგომარეობის სიმსუბუქიდან გამომდინარე. დანარჩენი პაციენტები, დაახლოებით 5000-მდე პირი რჩება ბინაზე და უტარდებათ მეთვალყურეობა ოჯახის ექიმის მიერ“, - განაცხადა გაბუნიამ.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო