ტერაბანკი ბიზნეს პროცესების ოპტიმიზაციასა და ავტომატიზაციას განაგრძობს და BDO Digital-თან ერთად პროცესების რობოტიზაციას იწყებს.
BDO Digital-ის გუნდის დახმარებით, ბანკი ოპერაციულ საქმიანობაში RPA რობოტებს ჩართავს. პროექტის პირველ ეტაპზე ბანკის ბექ ოფისში პროცესების რობოტიზაციასთან თავსებადობის დიაგნოსტიკა და ავტომატიზაციის შესაძლებლობების განსაზღვრა მოხდება, შემდეგ კი კონკრეტულ ოპერაციებში ციფრული რობოტების ინტეგრირება დაიწყება.
RPA - პროგრამული რობოტები ტერაბანკში დანახარჯებს მნიშვნელოვნად შეამცირებენ, რაც დაეხმარება კომპანიას დაზოგოს თანამშრომელთა რესურსი და გაზარდოს მუშაობის პროდუქტიულობა.
BDO Digital-ის გუნდი ტერაბანკს დაეხმარება ორგანიზაციის არსებული პროცესების ანალიზში, ავტომატიზაციის სირთულისა და სარგებლის შეფასებაში. ასევე იმ პროცესების განსაზღვრაში, რომლებიც პირველ რიგში საჭიროებენ რობოტიზაციას და რომლის ავტომატიზაციაც ყველაზე უფრო მეტ სარგებელს მოუტანს კომპანიას. დიაგნოსტიკის ეტაპზე გამოვლინდება წესებზე დაფუძნებული, დიდი მოცულობის განმეორებადი პროცესები, სადაც რობოტების დახმარება ააჩქარებს პროცესებს და გამორიცხავს შეცდომების დაშვების რისკს.
BDO Digital-ი ქართულ ბაზარს ციფრული ტრანსფორმაციის სრულ საკონსულტაციო და ტექნოლოგიურ გადაწყვეტებს სთავაზობს და მათ შორისაა პროცესების ოპტიმიზაცია, ტრანსფორმაცია და რობოტიზაცია. RPA ტექნოლოგიის მიმართულებით კი BDO Digital-ი მსოფლიოში ლიდერი კომპანიის UiPath-ის ოფიციალური პარტნიორია.
(R)