შიდა ქართლში უხვი ნალექის გამო შექმნილი პრობლემები ლიკვიდირებულია

უხვი ნალექის გამო შექმნილი პრობლემები შიდა ქართლში ლიკვიდირებულია. ორდღიანი ინტენსიური წვიმის შედეგად მოსულმა უხვმა ნალექმა ხაშურსა და სურამში სანიაღვრე არხებში წყლის დონის მკვეთრად აწევა გამოწვია, რის გამოც რამდენიმე საცხოვრებელი სახლის ეზო დაიტბორა, ასევე, ქარელის მუნიციპალიტეტში დაიტბორა რამდენიმე მიწის ნაკვეთი.

„უხვმა ნალექმა გარკვეული პრობლემები შექმნა რეგიონში, სანიაღვრე სისტემებში წყლის დონის მკვეთრად მატების გამო, ხაშურის მუნიციპალიტეტში დაიტბორა საცხოვრებელი სახლების ეზოები. ადგილზე მუშაობდნენ გაერთიანებული წყალმომარაგების კომპანიის, სამაშველო სამსახურისა და ადგილობრივი მუნიციპალიტეტის სპეც. ტექნიკა. ამოტუმბვის სამუშაოები დასრულებულია. გარდა ამისა, ქარელის მუნიციპალიტეტში დაიტბორა რამდენიმე მიწის ნაკვეთი. აღნიშნულ მიწის ნაკვეთებზე ნათესი კულუტურები არ იყო და შესაბამისად, ამ მხრივ ზარალი არ ყოფილა. ამ დროისთვის რეგიონის ოთხივე მუნიციპალიტეტში ვითარება სტაბილურია", - განაცხადა შიდა ქართლის გუბერნატორის მოვალეობის შემსრულებელმა სიმონ გულედანმა.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე