ბრიუსელში სამართალდამცავებსა და დემონსტრანტებს შორის შეტაკება მოხდა, დაშავებულია 4 პოლიციელი
ბრიუსელში სამართალდამცავებსა და დემონსტრანტებს შორის შეტაკება მოხდა. მედიის ინფორმაციით, რამდენიმე ასეული მოქალაქე ქალაქის პოლიციის შენობასთან ახალგაზრდა მამაკაცის გარდაცვალების გასაპროტესტებლად შეიკრიბა, რომელიც სამართალდამცავებმა კორონავირუსის გამო დაწესებული წესების დარღვევისთვის დააკავეს და დაკავებიდან დაახლოებით 1 საათში დაიღუპა.
მედიის ინფორმაციით, დემონსტრანტებმა რამდენიმე მანქანა დააზიანეს, ქუჩებში სხვადასხვა საგნები დაწვეს და პოლიციის განყოფილების შენობას ცეცხლი წაუკიდეს, თუმცა სამართალდამცავებმა მისი ჩაქრობა მოკლე ხანში მოახერხეს.
არეულობის დროს სამართალდამცავებმა რამდენიმე პირი დააკავეს, დაშავებულია 4 პოლიციელი.
ბელგიის შინაგან საქმეთა მინისტრმა ანელის ვერლიდენმა ბრიუსელში განვითარებული მოვლენები დაგმო და "ყოვლად მიუღებელი" უწოდა. ამასთან, მან განაცხადა, რომ ახალგაზრდა მამაკაცის გარდაცვალებასთან დაკავშირებით გამოძიება მიმდინარეობს.
„საჭიროების შემთხვევაში, გადავდგამთ აუცილებელ ნაბიჯებს პოლიციის მხრიდან არასათანადო საქციელის დასაგმობად. მაგრამ დღეს, რა თქმა უნდა, ამ სახის ძალადობისთვის არანაირი საფუძველი არ არსებობს,“- აღნიშნა მინისტრმა.
პოლიციამ 23 წლის მამაკაცი, იბრაჰიმ ბ. გასულ შაბათს დააკავა. დემონსტრანტები ამტკიცებენ, რომ ახალგაზრდა მამაკაცი სამართალდამცავების მხრიდან ძალის გადამეტების შედეგად დაიღუპა.
This is a modal window.
v-if="article.gallery" v-html="article.gallery"
