თაზო დათუნაშვილი - თამარ გაბუნიას განცხადება, რომ „ფაიზერის“ ვაქცინა საქართველოში „კოვაქს პროგრამის“ გავლით შემოვა, ტყუილია - „ფაიზერმა“ უარი თქვა „კოვაქს პროგრამაში“ ჩართვაზე

თამარ გაბუნიას განცხადება, რომ „ფაიზერის“ ვაქცინა საქართველოში „კოვაქს პროგრამის“ გავლით შემოვა, ტყუილია - „ფაიზერმა“ უარი განაცხადა „კოვაქს პროგრამაში“ ჩართვაზე, - ამის შესახებ „ლელოს“ ერთ-ერთმა წევრმა თაზო დათუნაშვილმა, ვაქცინის საკითხთან დაკავშირებით გამართულ ბრიფინგზე განაცხადა.

მისივე თქმით, „ფაიზერის“ ვაქცინის გამოყენება ძალიან მძიმე ტექნიკურ სირთულეებთან არის დაკავშირებული.

„მაშინ, როდესაც მსოფლიოს ნომერ პირველი ამოცანა არის კოვიდ-19-ის წინააღმდეგ ბრძოლა და დღეს ეს ბრძოლის ხაზი ვაქცინაციის პროცესზე გადის. ამ რთულ ვითარებაში ჯანდაცვის მინისტრის მოადგილე აკეთებს განცხადებებს, რომლებიც არის ან საზოგადოების შეცდომაში შეყვანა და ტყუილი ან უკიდურესი არაკომპეტენტურობა და უცოდინრობა. კერძოდ, ვგულისხმობ ჯანდაცვის მინისტრის მოადგილის თამარ გაბუნიას განცხადებას, რომ “ფაიზერის” ვაქცინა საქართველოსი შემოვა “კოვაქს პროგრამის” გავლით. გვინდა მკაფიოდ და ცალსახად განვაცხადოთ, რომ დღეისთვის “ფაიზერმა” უარი განაცხადა “კოვაქს პროგრამაში” ჩართვაზე, მოლაპარაკებები, რომელიც მიმდინარეობს “კოვაქსსა” და “ფაიზერს” შორის ჯერჯერობით ჩიხშია შესული, აქედან გამომდინარე ის განცხადება, რომელიც ქალბატონმა გაბუნიამ გააკეთა არის ან საზოგადოების მიზანმიმართული შეცდომაში შეყვანა და მიზანმიმართული ტყუილი ან ამ ადამიანმა უბრალოდ არ იცის რა ხება ა საკითხთან დაკავშირებით. უნდა აღვნიშნოთ, რომ გაბუნიას განცხადების პარალელურად ჯანდაცვის მინისტრმა ეკატერინე ტიკარაძემ აშშ-ის ელჩთან შეხვედრის შემდგე განაცხადა, რომ მივიღებთ “ფაიზერის” ვაქცინას, მაგრამ ეს ვაქცინა ცალსახად იქნება ჰუმანიტარული დახმარების გავლით და ეს სიტუაცია გვაძლევს იმას, რომ ეს ორი ადამიანი ერთმანეთში არ საუბრობენ და აქვთ ნულოვანი კორდინაცია. ამასთან, ძალიან მნიშვნელოვანია მომზადება ვაქცინაციისთვის. „ფაიზერის“ ვაქცინის გამოყენება დაკავშირებულია ძალიან მძიმე ტექნიკურ სირთულეებთან“, - განაცხადა თაზო დათუნაშვილმა.

პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
ქართული პრესის მიმოხილვა 15.01.2021
იაგო კაჭკაჭიშვილი  - „ოცნების“ „დაისი“ ახლოვდება, ივანიშვილმა დაასწრო მისი, როგორც დამარცხებული ლიდერის როლში ყოფნის პერსპექტივას  და წასვლით ერთგვარად თავი დაიზღვია
პირველი დამოუკიდებელი სარეკლამო სტუდია 29 წელს ითვლის
ტერაბანკი BDO Digital-თან პარტნიორობით პროცესების რობოტიზაციას (RPA) იწყებს
პროკრედიტ ბანკის სათავო ოფისი მსოფლიოს მწვანე შენობების სიაში შევიდა