რაჭა-ლეჩხუმ-სვანეთის მაჟორიტარმა დეპუტატმა, გოჩა ენუქიძემ, ამბროლაურის მუნიციპალიტეტის სოფელ მეორე ტოლაში მცხოვრებ მარტოხელა ქალს, ნათელა ბაქანიძეს ახალი წელი მიულოცა.

ამის შესახებ ინფორმაციას რაჭა-ლეჩხუმ სვანეთის მაჟორიტარი დეპუტატის სამდივნო ავრცელებს. მათივე ინფორმაციით, გოჩა ენუქიძემ ნათელა ბაქანიძეს სურსათი და სიმბოლური საჩუქრები გადასცა.

"მარტოხელა ადამიანებს განსაკუთრებით უხარიათ თითოეული ჩვენგანის ყურადღება, მით უფრო ისეთ ბედნიერ დღეებში, როგორიც საახალწლო პერიოდია, ამიტომ ქალბატონი ნათელას ბედნიერი სახე და გულწრფელი კეთილი სურვილები ჩემი მთავარი მონაპოვარია”, - განაცხადა გოჩა ენუქიძემ.