დამოუკიდებელი კომისია ჩინეთის ხელისუფლებასა და ჯანმო-ს კოვიდ 19-თან დაკავშირებით დაგვიანებულ მოქმედებაში ადანაშაულებს
„პანდემიისთვის მზადყოფნისა და მასზე რეაგირების დამოუკიდებელი კომისია“ ჩინეთის ხელისუფლებასა და ჯანდაცვის მსოფლიო ორგანიზაციას კორონავირუსის პანდემიასთან დაკავშირებით აკრიტიკებს, - ამის შესახებ ინფორმაციას Reuters-ი ავრცელებს.
კერძოდ, კომისიის მიერ წარდგენილ შუალედურ დასკვნაში აღნიშნულია, რომ კოვიდ 19-ის გავრცელების შესაჩერებლად ჩინეთის ხელისულებას ჯანდაცვასთან დაკავშირებული ზომების გამკაცრება გასული წლის იანვარშივე შეეძლო, ჯანდაცვის მსოფლიო ორგანიზაციას კი კომისია იმის გამო აკრიტიკებს, რომ ორგანიზაციამ საერთაშორისო საგანგებო მდგომარეობა 2020 წლის 30 იანვრამდე არ გამოაცხადა.
“კოვიდ 19-ის მიმართ რეაგირების ადრეულ ეტაპზე გამოვლენილმა ნაკლოვანებებმა, შესაძლოა, ხელი შეუწყო პანდემიის,” - აღნიშნულია კომისიის დასკვნაში.
კომისიაში შემავალი ექსპერტები მიიჩნევენ, რომ ჯანდაცვის მსოფლიო ორგანიზაციაში რეფორმების გატარებაა საჭირო.
„პანდემიისთვის მზადყოფნისა და მასზე რეაგირების დამოუკიდებელ კომისიას“ ახალი ზელანდიის ყოფილი პრემიერ მინისტრი ჰელენ კლარკი და ლიბერიის ყოფილი პრეზიდენტი ელენ ჯონსონ-სირლიფი ხელმძღვანელობენ.
კომისიაში აცხადებენ, რომ ჯანმო-ს წევრი 194 ქვეყნის ჯანდაცვის მინისტრებისთვის რეკომენდაციები ანგარიშის საბოლოო დასკვნაში იქნება წარმოდგენილი, რომელიც მაისში გამოქვეყნდება.
This is a modal window.
v-if="article.gallery" v-html="article.gallery"
