თამარ ბაჩალიაშვილის ოჯახის ადვოკატის განცხადებით, საქმის ახალ ფიგურანტს მობილური ტელეფონი ექსპერტიზისთვის ჩამოართვეს

გარდაცვლილი პროგრამისტის, თამარ ბაჩალიაშვილის ოჯახის ადვოკატის, მიხეილ რამიშვილის განცხადებით, საქმეში ახალ ფიგურანტს მობილური ტელეფონი მოსამართლის განჩინების საფუძველზე, ექსპერტიზისთვის ჩამოართვეს.

როგორც ადვოკატი „ინტერპრესნიუსთან“ საუბარში აცხადებს, გოგონა მას დაუკავშირდა და უთხრა, თუკი, ტელეფონს წაართმევდნენ, თავს მოიკლავდა.

„პროკურატურა გაფრთხილებული მყავდა, მე ვარ მისი ადვოკატი და ჩემი გაფრთხილების გარეშე არც ტელეფონი წაეღოთ და არც დაეკითხათ. ბავშვმა დამირეკა, ტიროდა, თავს მოვიკლავ, ტელეფონი არ წაიღონო. ბავშვს ტელეფონს ართმევენ, რომელსაც ფსიქიკური პრობლემები აქვს, ესენი გესტაპოები არიან, გესმით რას აკეთებენ?! ექსპერტიზისთვის წაიღეს, რომ ახლა როგორღაც თავიანთი საქციელი „გააპრავონ“, სასწრაფო წესით აიღეს განჩინება, აღმოაჩინეს, რომ ეს გოგო ფსიქიკურად თურმე, არაჯანსაღი ყოფილა, რაღაც მკურნალობას გადის და ახლა ორიენტირებულია მთელი გამოძიება, რომ ეს „სქრინები“, თურმე, შესაძლოა, გაყალბებული და ფალსიფიცირებული იყოს.

მეურვეობას რომ საჭიროებს და ამაზე ზრუნვა რომ დავიწყეთ, იმ წუთასვე ყველაფერი დაბლოკეს, ამაზეც არ იზრუნეს, ბავშვი ოჯახური ძალადობის მსხვერპლია, გამოძიებას არაფერი უზრუნია, როცა ბავშვი დაზარალებულად იყო ცნობილი, ამაზე მე ვზრუნავ და მე მიბლოკავს გამოძიება ყველაფერს, გამოძიებას ტელეფონი მიაქვს, რომ როგორმე ბავშვს სიყალბე დააბრალონ. ეს არის ჩვენი გამოძიება და ჩვენი პროკურატურა!“, - აცხადებს რამიშვილი.

ის გამოეხმაურა ასევე პროკურატურის განცხადებას, რომლის მიხედვითაც, უწყებამ თამარ ბაჩალიაშვილის გარდაცვალების ფაქტთან დაკავშირებით, მტკიცებულების შესაძლო ფალსიფიკაციის ფაქტზე გამოძიება დაიწყო.

„ბაჩალიაშვილის საქმე დახურეს, დახურულ საქმეზე როგორ უნდა ეძებო მტკიცებულებების გაყალბება, საქმე დახურულია და რას ეძებ, რას? გახსენით ბაჩალიაშვილის საქმე და მერე მოძებნეთ ყალბია თუ არა ეს „სქრინი“, - აცხადებს რამიშვილი.

მისივე განმარტებით, ტელეფონის ექსპერტიზაზე ოჯახი დამოუკიდებელ ექსპერტს ვერ ჩართავს, ვინაიდან, მათ დაზარალებულის უფლებამონაცვლის სტატუსი გაუქმებული აქვთ.

ცნობისთვის, რამდენიმე დღის წინ, მიხეილ რამიშვილმა გენერალურ პროკურატურაში საჩივართან ერთად ახალი მასალა მიიტანა, რომელიც თამარ ბაჩალიაშვილის მეგობართან მიმოწერის ამსახველი „სქრინია“. კერძოდ, ადვოკატის თქმით, თამარ ბაჩალიაშვილი მეგობარს წერს: „გარკვეული საშიშროება მელის, თუ რამე დამემართება, დედაჩემს დაუდექი გვერდით, შენთან მიმოწერა რომ მაქვს, უნდა წავშალო, რამე საშიშროება რომ არ შეემთხვას“.

მიხეილ რამიშვილის განცხადებით, სწორედ აღნიშნული გოგონას მიმართ პროკურატურის მხრიდან მუქარა და ზეწოლა ხორციელდება. თავის მხრივ, უწყებაში აცხადებენ, რომ აღნიშნული პირი ბაჩალიაშვილის ოჯახის წევრებს მცდარ ინფორმაციას აწვდის. პროკურატურის ცნობითვე, გოგონას ფსიქიკური პრობლემები აქვს და ის მეურვეობის ქვეშ იმყოფება.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა