ამ წუთებში თელავის პროკურატურასთან ხმაურია. პოლიტიკოსი ელენე ხოშტარია და სამოქალაქო აქტივისტები აქციას მართავენ. ისინი პროკურორ დავით გველესიანთან შეხვედრას ითხოვენ.

მათი თქმით, თელავის ცენტრში მდგარ კარავთან 1 იანვარს მომხდარ ინციდენტი ამ დრომდე გამოუძიებელია, რაზეც პასუხი პროკურატურას მოეთხოვება.

პოლიცია აქტივისტებს პროკურატურაში შევლის საშუალებას არ აძლევს, რასაც მათ შორის სიტყვიერი დაპირისპირება მოჰყვა.

აქტივისტების თქმით, მომხდარიდან თითქმის ერთი თვე გავიდა სამართალდამცაველებს კი, ამ დრომდე არ ჰყავთ დაკავებული ის პირები, რომლებმაც მათ სიცოცხლეს საფრთხე შეუქმნა. შეგახსენებთ, რომ საქმე ეხება მიმდინარე წელს მომხდარ ფაქტს რა დროსაც, აქტივისტების მტკიცებით, ავტომობილი მიზანმიმართულად დააჯახეს მათ კარავს.

საქმის დროული გამოძიების მოთხოვნით სამოქალაქო აქტივისტებმა პროტესტი რამდენჯერმე გამოხატეს.