პანკისის ხეობაში, სოფელ დუისში მომხდარი მკვლელობის საქმეზე ბრალდებულს აღკვეთი ღონისძიების სახით პატიმრობა შეეფარდა. შესაბამისი გადაწყვეტილება მოსამართლე ვერიკო ზათიაშვილმა გამოაცხადა. სასამართლო სხდომაზე სახელმწიფო ბრალდება დაკავებულის მიმართ პატიმრობას ითხოვდა,ხოლო დაცვის მხარეს შუამდგომლობა არ გააჟღერა და აღნიშნული საკითხის გადაწყვეტა სასამართლოს მიანდო.​

საქმე ეხება 17 იანვარს, პანკისი ხეობის, სოფელ დუისში მომხდარ მკვლელობას, სადაც 40 წლის იბრაჰიმ ქავთარაშვილს მეზობელმა ცივი იარაღით 12 ჭრილობა მიაყენა. მომხდარზე გამოძიება 10-ე მუხლით მიმდინარეობს. საქმეზე წინა სასამართლო სხდომა 15 მარტს ჩაინიშნა.