სოფელ სალიბაურში მცხოვრებლებმა ფართების დაკანონების მოთხოვნით საპროტესტო აქცია გამართეს
ხელვაჩაურში, სოფელ სალიბაურში მცხოვრებლებმა საპროტესტო აქცია გამართეს. მათი განცხადებით, ყოფილი ჩაის ფაბრიკის შენობაში წლებია ცხოვრობენ და ფართებს ვერ იკანონებენ. ისინი ან ფართების დაკანონებას, ან ალტერნატიულ საცხოვრებელს ითხოვენ.
მათი თქმით, წინასაარჩევნოდ "ქართული ოცნების" წარმომადგენლები ფართების დაკანონებას დაჰპირდნენ, თუმცა უშედეგოდ.
“აქ თითქმის 60-მდე ოჯახი ცხოვრობს. არჩევნებამდე დაგვპირდნენ, რომ მოგვცემდნენ დაკანონების უფლებას. გარკვეული საბუთებიც მოგვთხოვეს ამისთვის, მაგრამ მერე ეს არ გახდა შესაძლებელი.
აქ ცხოვრება შეუძლებელია. ყოველდღე საფრთხის ქვეშ ვართ. ყოველდღე საშიშროების მოლოდინში ვართ. ვითხოვთ, რომ შეამოწმონ რა მდგომარეობაში ვცხოვრობთ, რამდენად ვარგისია საცხოვრებლად ეს ფართები, გაგვასახლონ აქედან და მოგვცენ ალტერნატიული საცხოვრებელი ფართები", - აცხადებს აქციის ერთ-ერთი მონაწილე ია ბაჯაძე.
v-if="article.gallery" v-html="article.gallery"
