ზუგდიდში, შენობის ნანგრევებში მოყოლილი გოგონას ჯანმრთელობის მდგომარეობა დამაკმაყოფილებელია. ის ამ დრომდე ზუგდიდის რეფერალურ ჰოსპიტალში იმყოფება. როგორც "ინტერპრესნიუსს" ჰოსპიტალის კლინიკურმა მენეჯერმა სულხან ორჟონიამ განუცხადა, პაციენტს დაზიანებები არ აღენიშნებოდა, გარდა კანზე ექსკორაციებისა.
მისივე ინფორმაციით, გოგონას კვლევები განმეორებით ჩაუტარდება და მას შემდეგ გადაწყდება მისი ბინაზე გაწერა.
ცნობისთვის, დღეს ზუგდიდში ორსართულიანი შენობა ჩამოინგრა, მაშველებმა ნანგრევებიდან 10 წლის ბავშვი გამოიყვანეს.