ნამოხვანჰესის მოწინააღმდეგეების კარვის დაშლას ადგილზე ხმაური და ერთი პირის დაკავება მოჰყვა. ადგილზე მისულ სამართალდამცველებს მოქალაქეები სიტყვიერად და ფიზიკურად დაუპირისპირდნენ. როგორც ჰესის მოწინააღმდეგეები აცხადებენ, ისინი კარავს თავის ხელით არ დაშლიდნენ და არც მათ მისცემენ ამის უფლებას. დაპირისპირების მიუხედავად, სამართალდამცველებმა კარვის დაშლა მაინც მოახერხეს, იქამდე კი აქციის მონაწილეებს პირადი ნივთების გატანის უფლება მისცეს.
რაც შეეხება დაკავებულს, პოლიციელების თქმით, ის დაუმორჩილებლობის და სიტყვიერი შეურაცხყოფის გამო ადმინისტრაციული წესით დააკავეს.
ადგილზე ამ დროისთვის სიმშვიდეა. სოფელ ჟონეთში აქციის მონაწილეებთან ერთად ამ დრომდე სამართალდცველები რჩებიან.