წყალტუბოს მერია - ეპარქიის მღვდელმთავართან შეთანხმებით, „ნამახვანჰესის“ ტერიტორიაზე მოსახლეობის მიერ აღმართული ჯვრის ქუთაისში, ბაგრატის საკათედრო ტაძარში გადაბრძანება მოხდა

წყალტუბოს მუნიციპალიტეტის მერიის ინფორმაციით, „ნამახვანჰესის“ ტერიტორიაზე მოსახლეობის მიერ აღმართული ჯვარი ბაგრატის საკათედრო ტაძარში გადააბრძანეს.

როგორც „ინტერპრესნიუსს“ წყალტუბოს მერიიდან აცნობეს, ჯვრის გადატანის თხოვნით მერიას ჰესის მშენებელმა კომპანიამ მიმართა.

"საზოგადოებისთვის ცნობილია, რომ მუნიციპალიტეტის ტერიტორიაზე მიმდინარეობს „ნამახვანჰესის“ მშენებლობა, რომელსაც სახელმწიფოს შესაბამისი ნებართვების საფუძველზე ახორციელებს კერძო კომპანია „ენკა“. ბოლო პერიოდის მანძილზე, მშენებლობის პროცესს თან ახლდა საპროტესტო აქცია, რომლის მონაწილეებიც სამშენებლო სამუშაოების შეჩერებას ცდილობენ.

გუშინ, 30 იანვარს კომპანიამ მოგვმართა თხოვნით, საკითხის დელიკატურობიდან გამომდინარე, უსაფუძვლო ქსენოფობიური და ეთნიკური სპეკულაციების გამორიცხვის მიზნით, მუნიციპალიტეტს მოეხდინა მათ კერძო ტერიტორიაზე, სამშენებლო მოედანზე უკანონოდ აღმართული ჯვრის გადატანა.

მუნიციპალიტეტმა გაითვალისწინა შექმნილი ვითარება და 30 იანვარს საღამოს, ეპარქიის მღვდელმთავართან შეთანხმებით, მოხდა ჯვრის გადაბრძანება ქალაქ ქუთაისში, ბაგრატის საკათედრო ტაძარში.

წყალტუბოს მუნიციპალიტეტი ყველას მოუწოდებს, დაიცვან პროტესტის მშვიდობიანი ფორმები და აქციის მონაწილეები არ გაცდნენ კანონით განსაზღვრულ ფარგლებს", - აღნიშნულია მუნიციპალიტეტის მერიის განცხადებაში.

იხილეთ ვიდეო:წყალტუბოს მერიის ინფორმაციით, ნამახვანჰესის ტერიტორიაზე აღმართული ჯვარი ბაგრატის საკათედრო ტაძარში გადაიტანეს

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან